Лаўрэаты названы па выніках апытання журналістаў друкаваных і электронных сродкаў масавай інфармацыі. Найлепшай беларускай спартсменкай 2017 года стала Таццяна Пятрэня (скачкі на батуце), а найлепшым спартсменам — фрыстайліст Антон Кушнір. Таццяна дамаглася высокіх вынікаў на чэмпіянаце свету, а Антон перамог на трох этапах Кубка свету.
Адзначым, што ў дзясятцы наймацнейшых атлетаў Беларусі, па версіі журналістаў, першыя восем месцаў занялі жанчыны. У тройку найлепшых, акрамя Пятрэні, увайшлі Вольга Худзенка (веславанне на байдарках і каноэ) і тэнісістка Арына Сабаленка. Чацвёртае месца ў апытанні заняла Ванэса Каладзінская (барацьба). Трохразовая чэмпіёнка Алімпіяды ў Сочы Дар'я Домрачава стала пятай.
У дзясятку таксама ўвайшлі Настасся Пракапенка (сучаснае пяцібор'е), Аляксандра Сасновіч (тэніс), Аляксандра Герасіменя (плаванне) і Васіль Кірыенка (веласпорт).
Найлепшай камандай па гульнявых відах спорту названа жаночая зборная па тэнісе, па негульнявых — зборная па скачках на батуце.
Найлепшым трэнерам прызнаны капітан жаночай тэніснай зборнай Эдуард Дуброў.
Дар'я ЛАБАЖЭВІЧ
Спасылкі
[1] https://zviazda.by/be/tags/darya-labazhevich
[2] https://zviazda.by/be/sport
[3] mailto:lobazhevich@zviazda.by
[4] https://zviazda.by/be/tags/eduard-dubrou
[5] https://zviazda.by/be/tags/anton-kushnir
[6] https://zviazda.by/be/tags/vasil-kiryenka
[7] https://zviazda.by/be/tags/alyaksandra-gerasimenya
[8] https://zviazda.by/be/tags/alyaksandra-sasnovich
[9] https://zviazda.by/be/tags/nastassya-prakapenka
[10] https://zviazda.by/be/tags/darya-domrachava
[11] https://zviazda.by/be/tags/taccyana-pyatrenya
[12] https://zviazda.by/be/tags/volga-hudzenka
[13] https://zviazda.by/be/tags/aryna-sabalenka
[14] https://zviazda.by/be/tags/vanesa-kaladzinskaya-0