Беларуская дэлегацыя на чале з намеснікам прэм'ер-міністра Міхаілам Русым праводзіць сёння ў Маскве перагаворы для ўрэгулявання пытанняў па пастаўках малака. Аб гэтым паведамілі ў Савеце Міністраў.
"Беларуская дэлегацыя знаходзіцца сёння ў Маскве", - адзначылі ў Саўміне. У складзе дэлегацыі таксама прадстаўнікі Мінсельгасхарча.
Як паведамлялася раней, Беларусь прапануе Расіі прыняць дарожную карту для ўрэгулявання пытанняў па пастаўках малака. Яе разгляд і прыняцце зніме забарону на пастаўкі беларускіх прадпрыемстваў на расійскі рынак.
Рассельгаснагляд перанёс увядзенне забароны на пастаўкі малака і малочнай прадукцыі з Беларусі на 15 сакавіка. Першапачаткова заяўлялася аб забароне на пастаўкі з 26 лютага, затым ўвядзенне пераносілася на 6 сакавіка.
БЕЛТА [1]
Спасылкі
[1] http://www.belta.by/
[2] https://zviazda.by/be/tags/mihail-rusy
[3] https://zviazda.by/be/tags/malako-0
[4] https://zviazda.by/be/tags/rasiya