Група навукоўцаў з ЗША, Мексікі і Іспаніі вывучыла адкрытую інфармацыю аб спажыванні алкаголю жыхарамі 193 краін і 50 штатаў ЗША і звязала гэтыя даныя з кліматычнымі ўмовамі, паведамляе [1] N+1. Аказалася, што ў самых халодных і найменш сонечных рэгіёнах доля насельніцтва, якое п'е, вышэйшая. Акрамя таго, у халоднай мясцовасці таксама рэгіструецца больш выпадкаў узнікнення цырозу печані, звязанага са злоўжываннем спіртным. Артыкул апублікаваны [2] ў часопісе Hepatology.
Спажыванне алкаголю ўносіць значны ўклад у смяротнасць і непрацаздольнасць насельніцтва ва ўсім свеце - так, выпіўка асацыяваная з развіццём 60 вострых і хранічных захворванняў, уключаючы розныя віды раку. У прыватнасці, злоўжыванне алкаголем - адна з самых распаўсюджаных прычын развіцця цырозу печані. Спажыванне алкаголю моцна вар'іруюцца ў залежнасці ад краіны: на гэта ўплывае не толькі цана на алкаголь і наяўнасць рэгуляцыі дзяржавай, але таксама і агульны ўзровень жыцця і развіцця.
Спасылкі
[1] https://nplus1.ru/news/2018/11/14/cold-drinking
[2] https://aasldpubs.onlinelibrary.wiley.com/doi/abs/10.1002/hep.30315
[3] https://zviazda.by/be/tags/alkagol