З гэтага часу паліцэйскія Тайланда, чыя вага перавышае норму, будуць праходзіць спецыяльныя курсы для пахудзення ў Цэнтральным паліцэйскім навучальным цэнтры Пак Чонг.
Лішняя вага з'яўляецца сур'ёзнай праблемай для паліцэйскай службы, бо ўсе вартавыя парадку павінны быць цягавітымі і спрытнымі — інакш яны проста не змогуць злавіць злачынцаў. У спецыяльным лагеры паліцэйскіх чакаюць мноства практыкаванняў і індывідуальная дыета. Паколькі праграма атрымала назву «Знішчэнне жывата», мужчынам на занятках трэба распранацца да пояса, каб на свае вочы пераканацца, як гэтая частка цела памяншаецца падчас трэніровак. Праграма даволі эфектыўная: асабліва ўкормленыя афіцэры губляюць за адзін курс да 60 кілаграмаў, а тыя, чыя вага першапачаткова складала каля 80 кілаграмаў, худзеюць прыкладна на 10—20 кілаграмаў.
Невядома, як самі паліцэйскія ставяцца да такога клопату ад улад краіны, а вось карыстальнікі сацыяльных сетак лічаць такі вопыт станоўчым.
Іван Купарвас
Спасылкі
[1] https://zviazda.by/be/tags/ivan-kuparvas
[2] https://zviazda.by/be/u-svece
[3] https://zviazda.by/be/tags/tayland
[4] https://zviazda.by/be/tags/paliceyski
[5] https://zviazda.by/be/tags/lishnyaya-vaga