Кіраўнік Адміністрацыі Прэзідэнта Ігар СЕРГЕЕНКА правёў выязны прыём грамадзян у Круглым Магілёўскай вобласці.

«Выязныя прыёмы дазваляюць кантраляваць, як выконваюцца рашэнні Прэзідэнта і ўрада на месцах. І такія прыёмы павінны праводзіць усе належныя асобы — і рэспубліканскага, і мясцовага ўзроўню. Акрамя кантролю гэта дазваляе вырашаць бягучыя пытанні насельніцтва і тыя, што набылі хранічны характар. Важна ведаць, што турбуе людзей у канкрэтных населеных пунктах, і разумець, чым можна ім дапамагчы», — сказаў Ігар Сергеенка.

На прыёме часцей за ўсё гучалі пытанні ЖКГ і добраўпарадкавання, звярнуўся да кіраўніка Адміністрацыі Прэзідэнта і мясцовы індывідуальны прадпрымальнік. Усяго на прыём прыйшлі амаль два дзясяткі жыхароў Магілёўскай вобласці. Многія з пытанняў узятыя на кантроль, нейкія спрэчкі могуць вырашыць самі людзі — трэба толькі знайсці кампраміс.

Ігар Сергeенка ўдакладніў, што ўсяго летась у Адміністрацыю Прэзідэнта паступіла каля 2,5 тысячы зваротаў ад жыхароў Магілёўскай вобласці.

Паводле БелТА