Археолагі правінцыі Хэнань (Цэнтральны Кітай) вызначылі месцазнаходжання маўзалея імператара дынастыі Усходняя Хань (25 — 220 гг.) Лю Чжы, перадае «Жэньмінь жыбаа» анлайн» [3].
Старажытныя руіны, якія знаходзяцца непадалёк ад вёскі Байцаопа раёна Ібінь горада Лаян гэтай правінцыі, былі ідэнтыфікаваныя як імператарская грабніца. Да такой высновы прыйшлі даследчыкі, якія раскапалі там круглы каменны выраб з выгравіраванымі на ім іерогліфамі. Надпіс сведчыць, што прадмет быў выраблены на трэці год праўлення спадчынніка Лю Чжы, гэта значыць у 180-м годзе.
Паводле гістарычных запісах, імператар быў пахаваны на паўднёвым усходзе ад Лаяна, які быў сталіцай дынастыі Усходняя Хань. Аднак археалагічныя дадзеныя, якія пацвярджаюць месцазнаходжанне яго магілы, адсутнічалі, адзначыў навуковы супрацоўнік Інстытута культурных рэліквій і археалогіі горада Лаян Ван Сяньцю.
У апошнія гады каля всёкі Байцаопа знаходзілі разваліны пабудоў, калодзежаў, дарог і дрэнажных каналаў. Адкрыццё, па словах Ван Сяньцю, мае вялікае значэнне для вывучэння сістэмы пахаванняў імператараў дынастыі Усходняй Хань.
Прэв’ю: rg.ru
Спасылкі
[1] https://zviazda.by/be/u-svece
[2] https://zviazda.by/be/vestki-z-kitaya-0
[3] http://russian.people.com.cn/
[4] https://zviazda.by/be/vestki-z-kitaya