Геадэзісты склалі абноўленую карту пячорнай сістэмы ў нацыянальным парку Мамантава пячора ў Кентукі (ЗША). Гэтая сістэма лічыцца самай доўгай у свеце. Новыя дадзеныя паказалі, што яна яшчэ больш шырокая, чым лічылася, паведамляе [1] МИР24 са спасылкай на Science Alert.
Даследаванне выявіла яшчэ 13 кіламетраў праходаў. Агульная даўжыня сістэмы з іх улікам склала 676 кіламетраў. Картаграфаванне было праведзена добраахвотнікамі з Фонду даследаванні пячор (CRF) з дапамогай мясцовых жыхароў.
Пячорная сістэма трапіла ў Кнігу рэкордаў Гінеса яшчэ ў 1969 годзе. Тады яе даўжыню ацэньвалі ў 105 кіламетраў.
У верасня 1972 года спелеолагі CRF выявілі сувязь паміж Мамантава пячорай і сістэмай Флінт-Рыдж, у выніку чаго агульная працягласць усіх хадоў склала 232 кіламетры. З тых часоў было праведзена яшчэ некалькі экспедыцый, падчас якіх была знойдзена сувязь паміж асноўнай сістэмай і драбнейшымі пячорамі Проктар, Ропель і Морысана.
Навукоўцы прыйшлі да высновы, што сістэма пячор ўтварылася ў выніку эрозіі вапняка. Гэта з’ява назіраецца і ў іншых пародах, такіх як мармур і гіпс, але не ў такіх маштабах.
Прэв’ю: pixabay.com
Спасылкі
[1] https://mir24.tv/news/16475573/v-samoi-dlinnoi-peshchere-mira-nashli-novye-prohody
[2] https://zviazda.by/be/tags/pyachora
[3] https://zviazda.by/be/tags/navuka
[4] https://zviazda.by/be/tags/zsha