Гісторыя мястэчак і вёсак — сярод лідараў кніжных продажаў у кнігарні «Акадэмкніга», якая працуе ў Мінску. Канешне ж, па рэалізацыі навінак у адной толькі краме меркаваць складана пра вартасці таго ці іншага выдання. І ўсё ж лічбы ўражваюць.
За кароткі адрэзак часу ў 2021 годзе «Акадэмкніга» прадала 450 экзэмпляраў кнігі нарысаў, падарожных эсэ вядомага тэлевізійнага журналіста Юры ЖЫГІМОНТА «Мястэчкі і вёскі Беларусі». Кніга выдадзена ў выдавецтве «Беларуская Энцыклапедыя імя Петруся Броўкі». На другім месцы — «Беларускія посцілкі і дываны» мастацтвазнаўцы Вольгі ЛАБАЧЭЎСКАЙ. Прададзена 330 асобнікаў. Дарэчы, у свой час у Выдавецкім доме «Звязда» і яшчэ раней у РВУ «Літаратура і Мастацтва» выйшлі два альбомы В. Лабачэўскай, — абодва з іх прысвечаны разьбярам па дрэву — майстрам-інсітнікам Мікалаю ТАРАСЮКУ і Івану СУПРУНЧЫКУ.
Рэалізавана ў «Акадэмкнізе» сёлета і 150 экзэмпляраў кнігі фалькларысткі, этнографа Т. Валодзінай пра легендарнага і разам з тым малавядомага шырокаму колу чытачоў знахара — «Далман. Асоба і міф». Заўважым, што кнігі В. Лабачэўскай і Т. Валодзінай пабачылі свет у выдавецтве «Беларуская навука».
Сяргей ШЫЧКО
Прэв’ю: pexels.com
Спасылкі
[1] https://zviazda.by/be/author/syargey-shychko
[2] https://zviazda.by/be/kultura
[3] https://zviazda.by/be/tags/volga-labacheuskaya
[4] https://zviazda.by/be/tags/dalman
[5] https://zviazda.by/be/tags/akademkniga-0
[6] https://zviazda.by/be/tags/belaruskaya-encyklapedyya-imya-petrusya-brouki
[7] https://zviazda.by/be/tags/belaruskaya-navuka-0
[8] https://zviazda.by/be/tags/reytyng
[9] https://zviazda.by/be/tags/vydavecki-dom-zvyazda-2