Кіраўнік Гомельскай вобласці Іван Крупко прыняў старшыню Саюза пісьменнікаў Беларусі, дырэктара — галоўнага рэдактара Выдавецкага дома «Звязда» Алеся Карлюкевіча.
Размова, у якой удзельнічаў і намеснік старшыні Гомельскага аблвыканкама Уладзімір Прывалаў, ішла пра супольныя праекты па медыйнаму асвятленню жыццядзейнасці розных галін вытворчасці, народнай гаспадаркі ў Гомелі, на Гомельшчыне. У прыватнасці, дасягнута дамоўленасць пра спецыяльны «гомельскі выпуск» у часопісе «Беларусь», які выходзіць у Выдавецкім доме «Звязда». Іван Іванавіч Крупко падтрымаў неабходнасць прадстаўлення патэнцыялу вобласці на старонках англамоўнага выдання, якое прэзентуе нашу краіну, яе здабыткі ў розных накірунках.
Таксама ішла размова пра падрыхтоўку да Дня беларускага пісьменства ў Добрушы ў верасні 2022 года. Мяркуецца, што Саюз пісьменнікаў Беларусі прыме актыўны ўдзел у мерапрыемствах традыцыйнага свята беларускага асветніцтва і беларускай нацыянальнай культуры і літаратуры.
Сяргей ШЫЧКО
Прэв’ю: pixabay.com
Спасылкі
[1] https://zviazda.by/be/tags/ivan-krupko
[2] https://zviazda.by/be/tags/ales-karlyukevich
[3] https://zviazda.by/be/tags/uladzimir-pryvalau
[4] https://zviazda.by/be/tags/gomelski-ablvykankam
[5] https://zviazda.by/be/tags/dobrush
[6] https://zviazda.by/be/tags/dzen-belaruskaga-pismenstva