У нядзелю прафесійнае свята адзначаюць будаўнікі. Усіх работнікаў і ветэранаў гэтай сферы павіншаваў Прэзідэнт Аляксандр Лукашэнка.
«Будаўнічая галіна — адзін з найважнейшых сектараў беларускай эканомікі, таму для дзяржавы вельмі значна яго дынамічнае развіццё і дасягненне высокіх вынікаў», — гаворыцца ў віншаванні.
Кіраўнік дзяржавы адзначыў, што ў Беларусі сёння на новым якасным узроўні ўзводзіцца жыллё, значна прасунулася наперад прамысловасць будаўнічых матэрыялаў, а работнікі галіны занятыя на самых адказных аб'ектах у краіне і за яе межамі.
«Некалькімі пакаленнямі таленавітых беларускіх архітэктараў, праекціроўшчыкаў, будаўнікоў узведзена нямала іміджавых будынкаў — сімвалаў беларускіх гарадоў. І вядома, ваша праца дорыць людзям радасць наваселля, робіць іх жыццё больш добраўпарадкаваным і камфортным», — падкрэсліў Аляксандр Лукашэнка.
Спасылкі
[1] https://zviazda.by/be/gramadstva
[2] https://zviazda.by/be/tags/dzen-budaunika
[3] https://zviazda.by/be/tags/aliaksandr-luka%C5%A1enka
[4] https://zviazda.by/be/tags/vinshavanni