У міліцыю звярнулася жанчына, якая расказала, што малады чалавек набыў у яе дзве пары абутку, а расплаціўся фальшывымі грашыма. Праўда, засумнявалася жанчына ў сапраўднасці купюр толькі дома.
На працягу некалькіх гадзін хлопец быў затрыманы. Па інфармацыі Маскоўскага РУУС г. Мінска, ім аказаўся 22-гадовы жыхар Гомеля. Малады чалавек патлумачыў, што на такі адчайны крок ён пайшоў дзеля... сваёй дзяўчыны, якой паабяцаў купіць дзве пары абутку. Тавар, які прывезла знаёмая дзяўчыны, ён атрымаў у Мінску і расплаціўся за яго фальшывымі грашыма (7 купюр наміналам 50 дэнамінаваных рублёў). Затрыманы прызнаўся, што надрукаваў грошы самастойна дома, падчас следчых дзеянняў былі выяўлены і канфіскаваны ў якасці рэчыўных доказаў злачыннай дзейнасці капіравальная машына, аргтэхніка, прынтар і падрыхтаваныя для вырабу купюр лісты з надрукаванымі фальшывымі 50-рублёвымі купюрамі. Маладому чалавеку можа пагражаць да 7 гадоў пазбаўлення волі з канфіскацыяй маёмасці.
Сяргей РАСОЛЬКА
rs@zviazda.by [4]
Спасылкі
[1] https://zviazda.by/be/tags/syargey-rasolka
[2] https://zviazda.by/be/gramadstva
[3] https://zviazda.by/be/zdarenni
[4] mailto:rs@zviazda.by
[5] https://zviazda.by/be/tags/falshyvyya-groshy
[6] https://zviazda.by/be/tags/zdarenne
[7] https://zviazda.by/be/tags/abutak