Арганізатарам мерапрыемства выступіла Міністэрства па надзвычайных сітуацыях. Мэта акцыі — папярэдзіць надзвычайныя сітуацыі, якія ўзнікаюць у выніку парушэння правілаў пажарнай бяспекі пры падрыхтоўцы да свят, неасцярожнага абыходжання з піратэхнічнымі вырабамі.
Мерапрыемства праходзіць у чатыры этапы. Супрацоўнікі МНС ужо наведалі санаторыі, аздараўленчыя цэнтры, прафілакторыі, дамы адпачынку, пансіянаты і расказалі аб правілах бяспекі. З 13 па 20 снежня акцыя пройдзе ў агульнаадукацыйных установах, інтэрнатах, установах пазашкольнай работы, дамах сямейнага тыпу. 21—27 снежня ратавальнікі нагадаюць аб бяспечным выкарыстанні феерверкаў у месцах продажу піратэхнічных вырабаў, на лядовых катках, у дзіцячых установах аховы здароўя. Завяршальны этап будзе праходзіць у месцах масавага знаходжання людзей — на вакзалах, станцыях метро, рынках, буйных гандлёвых цэнтрах і інш. — з 28 па 30 снежня.
У мерапрыемствах прымуць удзел і актывісты Беларускай маладзёжнай грамадскай арганізацыі выратавальнікаў-пажарных, клубаў юных ратавальнікаў, а таксама добраахвотнікі.
Сяргей РАСОЛЬКА
rs@zviazda.by [3]
Спасылкі
[1] https://zviazda.by/be/tags/syargey-rasolka
[2] https://zviazda.by/be/gramadstva
[3] mailto:rs@zviazda.by
[4] https://zviazda.by/be/tags/novy-god
[5] https://zviazda.by/be/tags/akcyya
[6] https://zviazda.by/be/tags/byaspeka
[7] https://zviazda.by/be/tags/mns
[8] https://zviazda.by/be/tags/piratehnika