Колас Якуб

Гумарыстычны верш народнага песняра «Савось-распуснік» трывала ўвайшоў у скарбонку беларускай дзіцячай літаратуры. У творы ў дасціпнай форме Якуб Колас выхоўвае юнага чытача, тлумачачы, што за кожным дрэнным учынкам ідзе расплата. «Савось-распуснік» уключаны ў вучэбную праграму па беларускай літаратуры для 3-га класа ў спіс для пазакласнага чытання. У выданні выкарыстаны арыгінальныя ілюстрацыі народнага мастака Беларусі Валянціна Волкава, падрыхтаваныя ім для першага выдання твора (1936).

Вершаваная казка народнага песняра Якуба Коласа «Рак-вусач» трывала ўвайшла ў скарбонку беларускай дзіцячай літаратуры. Аўтар апісвае рачных жыхароў, праз займальны сюжэт, дасціпныя, непасрэдныя вобразы герояў, добры гумар раскрывае перад юнымі чытачамі чароўны падводны свет, паказвае яго багацце.

У кнігу ўваходзіць урывак з паэмы Якуба Коласа «Новая зямля», у якім распавядаецца пра традыцыі беларускага пчалярства і дзяльбу мёда, а так¬сама пра тое, як праходзіла традыцыйнае святкаванне пасля яе.

У кнігу ўваходзіць урывак з паэмы Якуба Коласа «Новая зямля», які змяшчае цудоўныя карціны летняй беларускай прыроды і апісанне традыцыйных заняткаў беларусаў у гэты час, такіх як касьба, жніво, паходы ў грыбы.

У кнізе змешчаны беларускія народныя казкі, апрацаваныя Якубам Коласам у 1922–1940 гг. Разнастайныя па тэматыцы, яны пазнаёмяць дзяцей з багатай прасторай беларускага фальклору, са светаўспрыманнем нашых продкаў.