Страна детства

Шубуршун — незвычайны казачны герой, які абавязкова палюбіцца чытачу. Ён прываблівае сваёй дабрынёй, смеласцю, знаходлівасцю. Разам з ім вы адправіцеся ў вельмі цікавае і пазнавальнае, хаця складанае і небяспечнае падарожжа. На сваім шляху адважны вандроўнік знаёміцца з іншымі героямі, і кожны з іх дае яму карысныя парады, якія, дарэчы, і вам могуць спатрэбіцца ў жыцці.

Вясёлыя, жартоўныя і павучальныя вершы на роднай мове складаюць новую кніжку беларускай пісьменніцы Іны Фраловай.

Вуху-размалёўка «Малюй-вандруй!» запрашае хлопчыкаў і дзяўчынак у кампанію Вухуціка — папулярнага героя дзіцячых кніг. Пад вокладкай выдання не толькі расфарбоўкі! Вас чакаюць гульні, галаваломкі, цікавыя і вясёлыя заданні. Вухуцік стане добрым сябрам маленькім беларусам і дапаможа дзецям развіваць логіку, увагу, пільнасць, фантазію, творчасць і мастацкі густ. Далучайцеся, сябры! Вуху-размалёўка створана па казках беларускай пісьменніцы Кацярыны Хадасевіч-Лісавой.