Свята кнігі

Маленькі чытач, трапіўшы ў чароўны свет вершаў Віктара Шніпа, дзе галоўнымі героямі з’яўляюцца малы хлопчык Кастусь і яго сяброўка аўчарка Міёна, а таксама вожык, зайчык, вавёрка, дзяцел, сініца, ліса, воўк, кот, певень, палюбіць іх, зразумее каштоўнасць сапраўднага сяброўства і як важна ўмець спачуваць, дапамагаць, цаніць дабро. Навучыцца бачыць у звычайных рэчах навакольнага свету сапраўдныя цуды. Маленькі Кастусь і вялікая аўчарка Міёна вельмі розныя, але гэта не перашкаджае ім разумець адзін аднаго і шчыра сябраваць.

Тэлепорт існуе! Гэта кніга Кацярыны Хадасевіч-Лісавой «Палёт на Вухуцію»! Адпраўляйцеся ў неверагоднае падарожжа, сябры!

Аўтар кнігі «Калаўрот хлапечых прыгод», якую складаюць міні-аповесць «Мікітавы канікулы, або Гарадскі хлопчык у вёсцы», апавяданні, былі і мініяцюры, запрашае юных чытачоў акунуцца ў рэальны свет жыцця дзяцей, распавядае пра іх гульні і забавы, радасці і засмучэнні, заклікае шанаваць прыроду і яшчэ больш палюбіць братоў нашых меншых, вучыць пазбаўляцца дрэнных звычак, быць сумленнымі і справядлівымі, не баяцца цяжкасцей.