Вухуцік. Міжпланетны ваяж

Творы, змешчаныя ў новай кнізе вядомага паэта Міколы Чарняўскага, вызначаюцца не толькі вынаходлівасцю казачных сюжэтаў, але і трапнасцю жыццёвых назіранняў, іх сучасным аздабленнем. Яны запрашаюць юнага чытача ў дзівосны і таямнічы свет дзіцячай душы, прыроды, жывога роднага слова. Як і раней, паэт застаецца верны свайму творчаму прынцыпу: кніга — гэта свята для дзяцей.

Гумарыстычны верш народнага песняра «Савось-распуснік» трывала ўвайшоў у скарбонку беларускай дзіцячай літаратуры. У творы ў дасціпнай форме Якуб Колас выхоўвае юнага чытача, тлумачачы, што за кожным дрэнным учынкам ідзе расплата. «Савось-распуснік» уключаны ў вучэбную праграму па беларускай літаратуры для 3-га класа ў спіс для пазакласнага чытання. У выданні выкарыстаны арыгінальныя ілюстрацыі народнага мастака Беларусі Валянціна Волкава, падрыхтаваныя ім для першага выдання твора (1936).

У гэтай кнізе жывуць міфалагічныя персанажы, знаёмыя нам з фальклору. Кажуць, некалі даўно яны існавалі, і нашы продкі часам бачылі іх на свае вочы. Старонкі гэтага выдання не толькі пакажуць міфічных істот, але і адкрыюць іх таямніцы. Твор уваходзіць у вучэбную праграму па беларускай літаратуры для 6 класа.