Па дадзеных Міністэрства аховы здароўя [3], па стане на 24 красавіка ў Беларусі зарэгістраваны 8773 выпадкі (+751 за суткі) заражэння каранавірусам.
Памерлі 63 пацыентаў з шэрагам хранічных хвароб.
Брэсцкая вобласць - 339, Віцебская вобласць - 1935, Гомельская вобласць - 460, Гродзенская вобласць - 347, Мінск - 4090, Мінская вобласць - 1206, Магілёўская - 396.
Праведзена 130 тыс. 824 тэстаў на каранавірус.
1120 чалавек больш не хварэюць, яны былі выпісаныя.
Як паведаміў дырэктар РНПЦ трансфузіялогіі і медыцынскіх біятэхналогій Фёдар Карпенка, у Беларусі прымяняецца плазма крыві перахварэлых як адзін з варыянтаў лячэння хворых. "Канчатковых дадзеных па гэтым пытанні няма. Але мы, як і многія іншыя краіны свету вырашылі выпрабаваць гэтую методыку", - сказаў ён 24 красавіка падчас візіту [4]ў цэнтр намесніка прэм'ер-міністра Ігара Петрышэнка.
Шэсць з дзевяці пацыентаў з COVID-19 пасля пералівання донарскай плазмы ўжо пайшлі на папраўку.
Антыцелы супраць віруса, якія ўтварыліся ў крыві донараў у выніку перанесенай інфекцыі, дапамагаюць спраўляцца з хваробай іншым пацыентам, у якіх хвароба працякае ў цяжкай і сярэднецяжкай форме.
Прадстаўнікі міністэрства аховы здароўя заклікаюць беларусаў на вялікія выхадныя заставацца дома, каб праз тыдзень не атрымаць імклівага росту захваральнасці.
Прэв'ю: donpress.com
Спасылкі
[1] https://zviazda.by/be/gramadstva
[2] https://zviazda.by/be/zdaroue-0
[3] https://t.me/minzdravbelarus
[4] http://www.zviazda.by/be/news/20200424/1587730553-shesc-z-dzevyaci-pacyentau-z-covid-19-paslya-peralivannya-donarskay-plazmy
[5] https://zviazda.by/be/tags/karanavirus
[6] https://zviazda.by/be/tags/statystyka