Аляксандр Лукашэнка павіншаваў сям’ю, у якой нарадзілася першае ў 2021 годзе дзіця. Ад кіраўніка дзяржавы былі перададзены падарункі і кветкі бацькам, паведамляе БЕЛТА [4].
Як паведамлялася, першае дзіця, якое нарадзілася ў новым, 2021 годзе, з’явілася на свет у Віцебскім абласным клінічным радзільным доме. Малыш, якога назвалі Рома, пры нараджэнні важыў 3 кг 910 г, рост — 53 см. У мамы гэта першыя роды. Бацькі хлопчыка жывуць і працуюць у Оршы.
Віцебскі абласны раддом цяпер працуе як ковідны шпіталь. Раней у маладой мамы быў дыягнаставаны COVID-19, таму яна знаходзілася пад наглядам у Віцебску.
На фатаграфіях — бацькі нованароджанага. Маленькага Рому на руках трымае тата, а ў руках у мамы вялікі букет з запіскай «З найлепшымі пажаданнямі Прэзідэнт Рэспублікі Беларусь Аляксандр Лукашэнка». На іншай фатаграфіі падарункі — розныя рэчы і прылады, якія спатрэбяцца для выхавання Ромы ў першыя месяцы жыцця. Павіншаваў сям’ю і міністр аховы здароўя Дзмітрый Піневіч.
Фота БЕЛТА
Спасылкі
[1] https://zviazda.by/be/prezident
[2] https://zviazda.by/be/gramadstva
[3] https://zviazda.by/be/syamya-i-demagrafiya
[4] https://blr.belta.by/president/view/lukashenka-pavinshavau-sjamju-u-jakoj-naradzilasja-pershae-u-2021-godze-dzitsja-95484-2021/
[5] https://zviazda.by/be/tags/2021
[6] https://zviazda.by/be/tags/aliaksandr-luka%C5%A1enka
[7] https://zviazda.by/be/tags/vinshavanne-alyaksandra-lukashenki