Каэфіцыент распаўсюджвання брытанскага штаму каранавіруса ў Японіі аказаўся ў 1,32 разы вышэй, чым у яго першапачатковай версіі, паведамляе ТАСС [1] са спасылкай на заяву спецыялістаў японскага Нацыянальнага інстытута інфекцыйных захворванняў.
У ходзе даследавання спецыялісты прааналізавалі дадзеныя па хуткасці распаўсюджвання інфекцыі за 50 дзён — з 1 лютага, калі ў краіне быў зафіксаваны першы выпадак заражэння брытанскім штамам, па 22 сакавіка. Такім чынам высветлілі, што каэфіцыент распаўсюджвання аказаўся ў 1,32 разы вышэй, чым у першапачатковай версіі COVID-19. Навукоўцы адзначаюць, што па гэтай прычыне дзейсныя метады прафілактыкі могуць аказацца недастатковымі.
У цяперашні час брытанскі штам каранавіруса найбольш распаўсюджаны на захадзе Японіі, у прыватнасці, у прэфектуры Осака, якая 7 красавіка з-за рэзкага росту колькасці новых выпадкаў заражэння ўвяла лакальны рэжым надзвычайнай сітуацыі. Аднак японскія навукоўцы папярэджваюць, што ў бліжэйшы час распаўсюджванне новага штаму можа дасягнуць і сталічнага рэгіёну.
Усяго з пачатку пандэміі ў Японіі адзначана 494 тыс. выпадкаў заражэння каранавірусам, зафіксавана 9,3 тыс. смяротных вынікаў. Ачунялі каля 455 тыс. інфіцыраваных, 456 пацыентаў знаходзяцца ў цяжкім стане.
Спасылкі
[1] http://tass.ru
[2] https://zviazda.by/be/tags/brytanski-shtam-karanavirusa
[3] https://zviazda.by/be/tags/karanavirus
[4] https://zviazda.by/be/tags/yaponskiya-vuchonyya
[5] https://zviazda.by/be/tags/yaponiya