Найбуйнейшым пастаўшчыком бульбы ў Беларусь за мінулыя 7 месяцаў бягучага года стала Украіна. Да такіх высноў прыйшлі аналітыкі партала EastFruit Украінскай плодаагародніннай асацыяцыі (УПАА), паведамляюць [1] РИА Новости.
Па словах аўтараў, за названы перыяд Украіна экспартавала ў Беларусь 15,5 тыс. т гародніны. Акрамя таго, Рэспубліка набывала бульбу ў Расіі, Азербайджана, Паўночнай Македоніі, Егіпта і Германіі.
Аналітыкі звярнулі ўвагу, што гэта «даволі незвычайная з’ява», паколькі Беларусь шырока вядомая сусветнай супольнасці як прадавец, а не пакупнік бульбы. Пры гэтым дасягнутыя аб’ёмы імпарту сталі магчымыя з-за высокіх аптовых коштаў на агароднінную культуру — да 30 цэнтаў за кіло (0,75 кап па цяперашнім курсе — заўв. аўт.) і вышэй.
У матэрыяле таксама адзначана, што ў сярэдзіне верасня 2021 г. бульбу ў Рэспубліцы прадаюць на 70 % даражэй, чым звычайна ў гэты перыяд. Перш аптавікі набывалі агароднінную культуру па 15-19 цэнтаў за кілаграм (0,38-0,48 кап па цяперашнім курсе — заўв. аўт.).
Прэв’ю: pixabay.com
Спасылкі
[1] https://ria.ru/20210921/kartofel-1751150267.html?utm_source=yxnews&utm_medium=desktop
[2] https://zviazda.by/be/tags/bulba
[3] https://zviazda.by/be/tags/ukraina
[4] https://zviazda.by/be/tags/pastaushchyk
[5] https://zviazda.by/be/tags/upaa
[6] https://zviazda.by/be/tags/ekspart
[7] https://zviazda.by/be/tags/impart
[8] https://zviazda.by/be/tags/aptaviki