У першай палове кастрычніка ў беларускіх школах праходзіла фотавыстава «Проста дзеці ў школе». Экспазіцыя распавяла пра школьныя будні дзяцей з інваліднасцю з розных гарадоў Беларусі. Мэта фотапраекта — паказаць, што ўсе дзеці могуць вучыцца разам незалежна ад наяўнасці або адсутнасці інваліднасці, перадае [1] БелТА.
Фотавыстава складалася з шасці гісторый, героямі якіх сталі дзеці з інваліднасцю, іх настаўнікі, сябры-аднакласнікі і бацькі. Інклюзія закранае ўсіх удзельнікаў адукацыйнага працэсу. Бо дзякуючы падтрымцы навакольных дзеці з інваліднасцю паспяхова вучацца, а школы становяцца дружалюбнымі для кожнага дзіцяці.
Фотапраект прайшоў у рамках інфармацыйнай кампаніі «Проста дзеці ў школе», якая накіравана на змяненне стаўлення да права дзяцей з інваліднасцю на якасную адукацыю і сацыяльную інклюзію. Ён рэалізуецца Дзіцячым фондам ААН (ЮНІСЕФ), Міністэрствам адукацыі Рэспублікі Беларусь пры фінансавай падтрымцы ўрада Расійскай Федэрацыі.
У кожнай школы была магчымасць аформіць фотавыставу ў свабодным фармаце: на інфармацыйных стэндах, мальбертах, у навучальных класах. Прапанаваную экспазіцыю было магчыма пашыраць: многія школы дапаўнялі выставу гісторыямі сваіх вучняў і вучаніц з інваліднасцю. Так навучэнцы не толькі пазнаёміліся з гісторыямі іншых дзяцей, але і ўбачылі знаёмыя твары аднакласнікаў і аднакласніц, больш даведаліся аб іх жыцці, поспехах і захапленнях.
Фота БелТА
Спасылкі
[1] https://www.belta.by/society/view/v-shkolah-belarusi-proshla-fotovystavka-o-detjah-s-invalidnostjju-466570-2021/
[2] https://zviazda.by/be/tags/yunisef
[3] https://zviazda.by/be/tags/prosta-dzeci-u-shkole
[4] https://zviazda.by/be/tags/fotavystava
[5] https://zviazda.by/be/tags/fotapraekt