За збыт небяспечнага наркатычнага сродку затрыманы жыхар Гродна, паведамілі [1] ў Гродзенскай рэгіянальнай мытні.
Аператыўнікі рэгіянальнай мытні і органаў унутраных спраў вобласці затрымалі гродзенца, які неаднаразова збываў наркотыкі. Пры затрыманні ў мужчыны знойдзена некалькі скруткаў з рэчывам расліннага паходжання агульнай вагой каля 15 г, якія былі схаваны ў пакеце з грэцкімі арэхамі. Эксперт абласнога ўпраўлення ДКСЭ ўстанавіў, што ў скрутках была марыхуана. Яшчэ амаль 50 г такога рэчыва, а таксама розныя прыстасаванні для яго ўжывання знойдзены па месцы жыхарства ўкраінца, які нелегальна пражывае ў Беларусі, якому гродзенец неаднаразова збываў марыхуану.
У дачыненні да беларуса тэрытарыяльнае падраздзяленне СК узбудзіла крымінальныя справы па ч.2, ч.3 арт.328 КК, у дачыненні да ўкраінца — па ч.1 арт.328 КК. Абодва ўзяты пад варту.
Спасылкі
[1] https://www.customs.gov.by/ru/news1-ru/view/za-sbyt-opasnogo-narkoticheskogo-sredstva-zaderzhan-zhitel-goroda-grodno-sovmestnaja-operatsija-provedena-sotrudnikami-tamozhni-i-ovd-17529-2021/
[2] https://zviazda.by/be/tags/kryminal
[3] https://zviazda.by/be/tags/maryhuana
[4] https://zviazda.by/be/tags/grodna