Права выказацца аб зменах у Асноўны закон краіны мае кожны. Такім меркаваннем падзяліўся прарэктар Магілёўскага дзяржаўнага ўніверсітэта імя А.А.Куляшова, член Савета Рэспублікі Алег Дзьячэнка падчас абласнога семінара, прысвечанага рэферэндуму, у Магілёве, перадае [1] БелТА.
«Рэферэндум — гэта прамая форма дэмакратыі і адна з форм народаўладдзя, якая склалася гістарычна і мае свае карані, пачынаючы з вечавага ладу, — адзначыў Алег Дзьячэнка. — Асноўны закон краіны рэгулюе ўсе сферы грамадскага жыцця, таму датычыцца кожнага грамадзяніна. Права выказацца па гэтаму пытанні мае кожны».
Алег Дзьячэнка падкрэсліў, што змяненні ў Канстытуцыю анансаваны Прэзідэнтам два гады таму. Гэтае пытанне актуалізавалася пасля прэзідэнцкіх выбараў 2020 года: створана Канстытуцыйная камісія, якая абагульніла прапановы ад працоўных калектываў і спецыялістаў. Для таго каб унесці гэтыя змяненні і дапаўненні ў Асноўны закон краіны, у адпаведнасці з арт.140 Канстытуцыі неабходна правесці рэферэндум.
«Я разглядаю інстытут рэферэндуму ў гістарычнай рэтраспектыве, — працягнуў Алег Дзьячэнка. — Іх у нас ужо было тры, і мы рыхтуемся да чацвёртага. Маецца на ўвазе рэферэндум 1995 года, 1996 года, 2004 года — аб унясенні дапаўненняў і змяненняў у Канстытуцыю датычна тэрмінаў паўнамоцтваў Прэзідэнта. Гэтыя пытанні выкладзены на семінары ў кантэксце сусветнага вопыту».
Прэв’ю: БелТА
Спасылкі
[1] https://www.belta.by/society/view/djjachenko-kazhdyj-imeet-pravo-vyskazatsja-ob-izmenenijah-v-osnovnoj-zakon-472950-2021/
[2] https://zviazda.by/be/tags/aleg-dzyachenka-0
[3] https://zviazda.by/be/tags/referendum-pa-kanstytucyi