Спікер верхняй палаты парламента ў панядзелак, 10 студзеня, будзе прымаць грамадзян, у якіх ёсць прапановы па праекце Асноўнага закона. У гэты ж дзень з заяўнікамі таксама сустрэнецца віцэ-спікер Савета Рэспублікі Леанід Заяц.
Нагадаем, што сёння распачала сваю дзейнасць грамадская прыёмная пры Савеце Рэспублікі па абмеркаванні змяненняў і дапаўненняў Канстытуцыі Рэспублікі Беларусь. Члены Савета Рэспублікі гатовыя выслухаць усіх, у каго ёсць прапановы па праекце Асноўнага закона, і адказаць на іншыя пытанні, якія хвалююць грамадзян кожныя панядзелак, сераду і пятніцу з 11.00 да 17.00 па адрасе: г.Мінск, вул. Кірава, 47.
Сёння, напрыклад, сустрэчу з грамадзянамі ў абмеркаванні змяненняў і дапаўненняў Канстытуцыі праводзяць старшыні профільных камісій: у першай палове дня – па міжнародных справах і нацыянальнай бяспецы Сяргей Рачкоў; у другой – па адукацыі, культуры, навуцы і сацыяльным развіцці Віктар Лісковіч.
Вядома ж, да спікера заўсёды колькасць жадаючых трапіць на прыём большая. Таму Наталля Качанава правядзе такую сустрэчу ў панядзелак, 10 студзеня, з 11.00 да 14.00.
Пасля яе работу з заяўнікамі працягне намеснік старшыні Савета Рэспублікі Леанід Заяц, які будзе прымаць грамадзян з 14.00 да 17.00.
Калі ўзніклі дадатковыя пытанні аб рабоце грамадскай прыёмнай, атрымаць адказ на іх можна па тэлефонах: 8 (017) 321 22 98, 327 46 74, 327 46 76.
Вольга АНУФРЫЕВА
Спасылкі
[1] https://zviazda.by/be/author/volga-anufryeva
[2] https://zviazda.by/be/palityka
[3] https://zviazda.by/be/tags/natallya-kachanava
[4] https://zviazda.by/be/tags/savet-respubliki
[5] https://zviazda.by/be/tags/praekt-asnounaga-zakona
[6] https://zviazda.by/be/tags/referendum-pa-kanstytucyi