Старшыня Беларускага грамадскага аб'яднання ўкраінцаў «Ватра» Уладзіслаў Кадзіра заклікаў усіх грамадзян Беларусі ўдзельнічаць у рэферэндуме.
Нагадаем, што рэферэндум запланаваны на 27 лютага. «Украінцы, азербайджанцы, армяне — мы ўсе розныя, але мы адзіныя, паколькі жывём на тэрыторыі Рэспублікі Беларусь. Я вельмі рады, што беларуская грамадскасць актыўна ўключылася ў абмеркаванне Канстытуцыі. Вельмі важна, што ў Канстытуцыі замацоўваецца неабходнасць захавання гістарычнай праўды. Мы ўсе ведаем, што 2022-гі абвешчаны Годам гістарычнай памяці. І мы будзем рабіць на гэта акцэнт у дзейнасці нашага грамадскага аб'яднання. У нас даволі вялікая суполка, паколькі шмат украінцаў жыве ў Беларусі. Мы захоўваем сваю гісторыю, свята шануем свае традыцыі. Беларусь і Украіна — гэта дзве блізкія краіны, у нас агульнае гістарычнае мінулае, наогул шмат агульнага. Таму мы павінны быць заўсёды разам.
Не толькі ўкраінец, але кожны чалавек, які жыве ў Беларусі і мае грамадзянства гэтай краіны, павінен шанаваць традыцыі, культуру, законы. Канстытуцыя — гэта Асноўны Закон, які мы павінны шанаваць, цаніць. Я заклікаю кожнага прыйсці на рэферэндум і аддаць свой голас. Гэта неабходна, калі мы хочам жыць у квітнеючай, моцнай і прыгожай Беларусі», — адзначыў ён.
Прэв'ю: pixabay.com
Спасылкі
[1] https://zviazda.by/be/palityka
[2] https://zviazda.by/be/tags/uladzislau-kadzira
[3] https://zviazda.by/be/tags/vatra
[4] https://zviazda.by/be/tags/referendum-pa-kanstytucyi
[5] https://zviazda.by/be/tags/ukraina