Член Канстытуцыйнай камісіі Юрый Васкрасенскі назваў прадстаўлены на рэферэндум тэкст Канстытуцыі вынікам кампрамісаў. Ён расказаў, што па кожным артыкуле ішлі глыбокія абмеркаванні.
«Мы пастараліся на бліжэйшыя 20-30 гадоў падрыхтаваць дастаткова актуальны дакумент, які дапаможа запусціць палітычную мадэрнізацыю, дасць стымул знізу развіваць усе палітычныя інстытуты і працэсы. І вядома ж тое, што страхавы інстытут у выглядзе Усебеларускага народнага сходу ўключаны ў тэкст Канстытуцыі — гэта наша галоўнае дасягненне. Каб не паўтарыць казус Зяленскага, калі чалавек прыходзіць з аднымі лозунгамі, атрымлівае падтрымку насельніцтва і робіць усё наадварот. Рэферэндум ужо адбыўся. Я ўпэўнены, што беларусы падтрымаюць абноўленую Канстытуцыю. І беларусы эвалюцыйна будуць фармаваць новыя органы ўлады. Яшчэ важна дапоўніць, што ўсе гэтыя нікчэмныя паўнамоцтвы, якімі сябе ўзнагародзіла Ціханоўская, яны ўсё абнуляюцца нават юрыдычна. Бо прайшла электаральная кампанія рэспубліканскага ўзроўню. І калі будзе прынята новая Канстытуцыя, то на яе аснове павінны сфарміравацца новыя органы ўлады. І тыя мінімальныя юрыдычныя моманты, якія далі заходнія юрысты Ціханоўскай, яны абнуляюцца», — расказаў Юрый Васкрасенскі.
Валерыя СЦЯЦКО
Спасылкі
[1] https://zviazda.by/be/author/valeryya-scyacko
[2] https://zviazda.by/be/palityka
[3] https://zviazda.by/be/taxonomy/term/77444
[4] https://zviazda.by/be/tags/referendum-pa-kanstytucyi
[5] https://zviazda.by/be/tags/yuryy-vaskrasenski
[6] https://zviazda.by/be/tags/merkavanne