З 1 сакавіка ў адпаведнасці з указам Прэзідэнта Беларусі ад 31 студзеня 2022 года нумар 24 «Аб павышэнні пенсій» павышаюцца ўсе віды працоўных пенсій (па ўзросце, за выслугу гадоў, па інваліднасці, па прычыне страты карміцеля) на 7 працэнтаў. Аб гэтым паведамляе [2] БелТА са спасылкай на Міністэрства працы і сацыяльнай абароны.
У выніку павышэння сярэдні памер пенсіі па ўзросце непрацуючага пенсіянера ў сакавіку складзе Br580 (уключаючы надбаўкі і даплаты) і павялічыцца на 13,2 працэнта адносна сакавіка 2021 года.
Пенсіі па ўзросце з 1 сакавіка адносна лютага павялічацца ў сярэднім на Br34, тэмп росту — 106,3 працэнта.
«Павелічэнне памеру пенсіі ў кожнага пенсіянера будзе сваё — у залежнасці ад працягласці стажу і заработку, улічаных пры вылічэнні яму пенсіі», — звярнулі ўвагу ў ведамстве.
На павышэнне пенсій будзе накіравана Br75,7 млн у месяц, Br757 млн — да канца года. У цэлым на выплату пенсій у гэтым годзе запланавана каля Br16,1 млрд.
Прэв’ю: БелТА
Спасылкі
[1] https://zviazda.by/be/gramadstva
[2] https://blr.belta.by/society/view/u-belarusi-use-vidy-pratsounyh-pensij-pavyshajutstsa-na-7-pratsentau-111473-2022/
[3] https://zviazda.by/be/tags/belarus
[4] https://zviazda.by/be/tags/pracounyya-pensii
[5] https://zviazda.by/be/tags/pavyshenne
[6] https://zviazda.by/be/tags/ukaz