Гарадскія ўлады заклікаюць неабыякавых гараджан паведамляць у кантакт-цэнтр ЖКГ Мінска па кароткім нумары 115 або пры дапамозе партала «Мая Рэспубліка» (115.бел) аб адрасах, дзе захламлены гарышчы і падвалы. Аб гэтым падчас прамой лініі паведаміў намеснік старшыні Мінгарвыканкама Аляксандр Дараховіч, перадае [1] «Минск-Новости».
— Стаіць задача за гэтую вясну цалкам вычысціць дапаможныя памяшканні жылфонду ад усяго лішняга, каб пазбегнуць няшчасных выпадкаў і надзвычайных сітуацый. Будзем удзячныя актыўным гараджанам за інфармацыю аб тым, па якіх адрасах гэтая праца яшчэ не выкананая ў поўным аб’ёме, — сказаў А. Дараховіч.
Падчас прамой лініі гараджане закраналі пытанні дзейнасці таварыстваў уласнікаў і ЖБВК, уборкі прыдамавых тэрыторый і пад’ездаў, кантэйнерных пляцовак, цікавіліся тэрмінамі пачатку капрамонту дамоў, выказвалі занепакоенасць лёсам бяздомных жывёл і інш.
Прэв’ю: «Минск-Новости»
Спасылкі
[1] https://minsknews.by/minchan-prizyvayut-soobshhat-o-zahlamlennyh-cherdakah-i-podvalah-v-mnogokvartirnyh-domah/
[2] https://zviazda.by/be/tags/minsk-3
[3] https://zviazda.by/be/tags/zhyllyo
[4] https://zviazda.by/be/tags/shmatkvarternyya-damy
[5] https://zviazda.by/be/tags/dobrauparadkavanne