Выставачны праект «Дыяменты стагоддзя: з бібліятэчнай калекцыі», прымеркаваны да 100-годдзя Нацыянальнай бібліятэкі Беларусі, распачаў сваю працу, паведамляе [1]Міністэрства культуры.
Новы выставачны праект дазваляе паглядзець на стагоддзе гісторыі бібліятэкі праз яркія і значныя ўзоры нацыянальнага дакумента і прыклады сусветнага кнігавыдання — літаратурныя бестселеры, музычныя кампазіцыі, кіно, графіку і плакатнае мастацтва, створаныя ў перыяд з 1922 па 2022 гады.
Адметнасцю экспазіцыі сталі пішучыя машынкі, скураныя партфелі і чытацкія білеты вядомых беларускіх пісьменнікаў і навукоўцаў і калекцыя настольных лямп ХХ стагоддзя з фондаў Дзяржаўнага музея гісторыі беларускай літаратуры, Літаратурнага музея Максіма Багдановіча і Літаратурнага музея Петруся Броўкі.
Скласці сваё меркаванне аб выстаўленых калекцыях дакументаў і па-праве ацаніць прадстаўленыя экспанаты на праекце «Дыяменты стагоддзя: з бібліятэчнай калекцыі» ўсе жадаючыя могуць па 31 снежня.
У 2022 годзе Нацыянальная бібліятэка Беларусі адзначае 100-гадовы юбілей. Гэта знакавая падзея ўнесена ў спіс памятных дат ЮНЕСКА.
Прэв’ю: БелТА
Спасылкі
[1] https://t.me/s/minkultrb
[2] https://zviazda.by/be/tags/nacyyanalnaya-bibliyateka
[3] https://zviazda.by/be/tags/praekt-dyyamenty-stagoddzya-z-bibliyatechnay-kalekcyi
[4] https://zviazda.by/be/tags/dzyarzhauny-muzey-gistoryi-belaruskay-litaratury
[5] https://zviazda.by/be/tags/litaraturny-muzey-maksima-bagdanovicha
[6] https://zviazda.by/be/tags/litaraturny-muzey-petrusya-brouki