У Мінску ўсталявалі святочнае афармленне да Дня Незалежнасці Рэспублікі Беларусь, паведамляе [1] агенцтва «Мінск-Навіны».
Як раней распавяла начальніца аддзела дызайну «Мінскрэкламы» Таццяна Бугаркава, сёлета ў аснову тэматычнага афармлення горада ляглі тры сімвалы незалежнасці Беларусі: герб, сцяг і нацыянальны арнамент. Каларыстыку выбралі стрыманую, афіцыйную, урачыстую — і ў той жа час яркую і жыццесцвярджальную, адзначыла спецыяліст.
Так, фасад БДПУ на плошчы Незалежнасці ўпрыгожылі святочным пано плошчай 800 м2.
Акрамя таго, адной з асноўных лакацый стала плошча ля Палаца Рэспублікі, дзе на калонах размясцілі два маштабныя пано, якія адлюстроўваюць статус свята і падкрэсліваюць важнасць гэтай пляцоўкі, а таксама ўсталявалі 12-метровую арт-свечку, якая складаецца з пяці габарытных кубоў, на гранях якіх размешчаны фатаграфіі праекта «Зямля герояў».
Акрамя таго, святочна ўпрыгожылі пр. Незалежнасці, пляцоўку ля Палаца спорту, а таксама ўсталявалі шчыты з інфармацыяй пра Дзень Рэспублікі на гарадскіх магістралях і кальцавой аўтадарозе.
Фота: Мінск-Навіны
Спасылкі
[1] https://minsknews.by/prazdnichnye-panno-i-art-svechi-minsk-ukrasili-ko-dnyu-nezavisimosti-respubliki-belarus/
[2] https://zviazda.by/be/tags/minsk
[3] https://zviazda.by/be/tags/dzen-nezalezhnasci