Не сёння-заўтра на смалявіцкай зямлі адзначаць раённыя "Дажынкі" — свята заканчэння жніва. "Нам бы толькі пару дзянёчкаў, каб паспець!" — хвалююцца аграрыі. Працаўнікі сельскай гаспадаркі рады кожнаму сонечнаму дню, тым больш калі жніво выходзіць на фінішную прамую. Зараз у раёне ўбрана 90% плошчаў збожжавых і зернебабовых.
Сёлета ў Смалявіцкім раёне
ўшаноўвалі шаснаццаць экіпажаў-"тысячнікаў", восем з якіх працуюць у "Жодзіна-Агра Плем Эліта". У маладой гаспадарцы і малады калектыў: амаль палова супрацоўнікаў — ва ўзросце да 30 гадоў. Магчыма, менавіта гэта дапамагае быць першымі ва ўсім?
Яраслаў ЦВІРКО і Міхаіл САБАЛЕЎСКІ сёлета разам працуюць упершыню. Але гэта не перашкодзіла хлопцам даўно намалаціць "сваю" тысячу тон збожжа. Яраслаў, які дагэтуль чатыры гады адпрацаваў на трактары, з задавальненнем перайшоў на камбайн. Кажа, што работа яму спадабалася: у добрай камандзе і працуецца выдатна.
У гаспадарцы ёсць і чатыры кіроўцы-"тысячнікі". Аляксей ГУБАРЭВІЧ, як толькі скончыў школу, адразу прыйшоў у гаспадарку працаваць вадзіцелем. Ды і як не пайсці, калі ўсе сваякі працуюць разам — сапраўдная сямейная дынастыя! Бацька Уладзімір Мікалаевіч — механізатар, маці Галіна Анатольеўна — палявод, браты, родны і стрыечны, дзядзька — усе працуюць на зямлі.
Па аператыўнай інфармацыі, усяго ў краіне ўбрана каля 85% плошчаў збожжавых і зернебабовых. Намалочана больш за 6 млн тон збожжа. Плануецца, што сёлета Беларусь атрымае больш за 9 млн тон ураджаю збожжавых з улікам кукурузы.
Марына БЕГУНКОВА, фота аўтара.
в. Белая Лужа.
Спасылкі
[1] https://zviazda.by/be/tags/maryna-begunkova
[2] https://zviazda.by/be/gramadstva-0
[3] https://zviazda.by/be/selskaya-gaspadarka
[4] https://zviazda.by/be/tags/smalyavicki-rayon
[5] https://zviazda.by/be/tags/rayonnyya-dazhynki
[6] https://zviazda.by/be/tags/zhodzina-agra-plem-elita
[7] https://zviazda.by/be/tags/yaraslau-cvirko
[8] https://zviazda.by/be/tags/mihail-sabaleuski
[9] https://zviazda.by/be/tags/alyaksey-gubarevich
[10] https://zviazda.by/be/tags/mehanizatar-maci-galina-anatoleuna