Уводзіцца ў абарачэнне паштовая марка "Герб Быхава"
Аддзяленне паштовай сувязі № 2 горада Быхава праводзіць спецыяльнае гашэнне маркі "Герб Быхава" на канверце "Першы дзень".
Гэта марка адна з серыі "Гербы гарадоў Беларусі". Раней ужо былі выпушчаны маркі Полацка, Мінска, Гродна, Брэста, Заслаўя, Хойнікаў, Ліды і некаторых іншых гарадоў
.
Герб Быхава ўяўляе сабой выяву ў чырвоным полі французскага шчыта дзвюх перакрыжаваных гармат натуральнага колеру і адносіцца да гісторыка-геральдычных помнікаў Беларусі.
Геральдычная тэматыка досыць папулярная сярод філатэлістаў. Такія маркі шырока распаўсюджваюцца не толькі ў нашай краіне, але і часта замаўляюцца з-за мяжы.
Кожны год у нашай краіне звычайна выходзіць дзве маркі з гербамі гарадоў: адна прымеркавана да "Дажынак", другая — да Дня беларускага пісьменства.
У верасні выйдзе яшчэ адна марка з гэтай серыі — "Герб Жлобіна".
Фэст "Млын" і тры Спасы
У апошнюю нядзелю лета, 25 жніўня, у музейным комплексе Дудуткі пройдзе фэст "Млын". У яго праграме — святкаванне трох Спасаў і майстар-клас па народнай беларускай кухні з дэгустацыяй.
Будуць адзначацца Спас Мядовы, Арэхавы і Яблычны. Таму наведвальнікаў чакаюць адпаведныя смачныя падарункі. Як паведаміла арганізатар Дар'я Ільініч, гэта будуць беларуская садавіна, а таксама квас, кісель, пірог, прыгатаваныя ў музеі.
На летняй кухні музейнага комплексу Алесь Белы правядзе майстар-клас па прыгатаванні нацыянальнай стравы. Што за страва — пакуль трымаецца ў сакрэце. Вядома толькі, што яна звязана з танцавальнай культурай, таму і дэгустацыя будзе праходзіць незвычайна.
На вялікай сцэне музея выступіць гурт "Крамбамбуля".
Ніна ШЧАРБАЧЭВІЧ
Спасылкі
[1] https://zviazda.by/be/regiyony-0
[2] https://zviazda.by/be/tags/igumenski-trakt
[3] https://zviazda.by/be/tags/zaslaue
[4] https://zviazda.by/be/tags/polack
[5] https://zviazda.by/be/tags/minsk
[6] https://zviazda.by/be/tags/brest
[7] https://zviazda.by/be/tags/grodna
[8] https://zviazda.by/be/tags/lida
[9] https://zviazda.by/be/tags/gerb-byhava
[10] https://zviazda.by/be/tags/gerb-zhlobina
[11] https://zviazda.by/be/tags/hoyniki
[12] https://zviazda.by/be/tags/gerby-garadou-belarusi