У Лунiнцы адначасова прапалi 17-гадовы хлопец i яго равеснiца. Аб знiкненнi сына ў мiлiцыю заявiла мацi, прыкладна ў той жа час у райаддзел звярнуўся бацька непаўналетняй дачкi. У кожнай сям'i занепакоены фактам, што дзiця сышло з дому, знаходзiцца невядома дзе, на сувязь з роднымi не выходзiць.
Аказалася, што абое з'яўляюцца навучэнцамi Лунiнецкага дзяржаўнага полiтэхнiчнага каледжа, вучацца на трэцiм курсе i сiмпатызуюць адно аднаму. Як паведамiў начальнiк аддзела iнфармацыi i грамадскiх сувязяў Брэсцкага УУС Сяргей ДУЧЭНКА, мiлiцыянеры супаставiлi факты i вырашылi, што маладыя людзi збеглi з дому разам. Тым больш, што дзяўчыне ў хуткiм часе належала на тры месяцы накiравацца ў Магiлёў у спецустанову. Яна пяць разоў затрымлiвалася супрацоўнiкамi мiлiцыi за ўжыванне спiртнога ў грамадскiх месцах. Вось i вырашылi гора-закаханыя не разлучацца, нарабiўшы клопату бацькам i мiлiцыi.
Святлана ЯСКЕВIЧ
Спасылкі
[1] https://zviazda.by/be/tags/svyatlana-yaskevich
[2] https://zviazda.by/be/gramadstva
[3] https://zviazda.by/be/zdarenni
[4] mailto:yackevich@zviazda.by
[5] https://zviazda.by/be/tags/zdarenne
[6] https://zviazda.by/be/tags/padletki-0
[7] https://zviazda.by/be/tags/milicyya-0