Шлюбны перыяд у ласёў прыпадае на познюю восень, і ў гэты час жывёлы ладзяць бітвы за свабодных самак. На Алясцы гэта прывяло да гібелі двух самцоў, але прычынай стаў не сам паядынак, а суровы клімат рэгіёну.
Жыхар невялікага горада Уналакліт на Алясцы Джэф Эрыксан знайшоў целы двух ласёў, якія цалкам умерзлі ў раку. Жывёлы застылі, счапіўшыся рагамі. Эксперты тлумачаць, што прырода можа быць бязлітаснай. У шлюбны сезон ласі змагаюцца за самак, і гэтыя бітвы нярэдка заканчваюцца смерцю аднаго з сапернікаў. У гэтым жа выпадку сваю ролю адыграла і надвор'е. Сутычка адбывалася на рацэ, а яны толькі пачынаюць замярзаць. Пад цяжарам масіўных жывёл лёд праламаўся, і адзін з ласёў, які загінуў ад удару рагоў саперніка, пацягнуў яго за сабой. Мароз, які ўдарыў потым, намёртва замацаваў загінулых іспалінаў на паверхні ракі. Эрыксан вярнуўся да месца здарэння з сябрамі, і з дапамогай бензапіл яны дасталі тушы з вады.
Іван КУПАРВАС
hvir@zviazda.by [4]
Спасылкі
[1] https://zviazda.by/be/tags/ivan-kuparvas
[2] https://zviazda.by/be/gramadstva
[3] https://zviazda.by/be/zdarenni
[4] mailto:hvir@zviazda.by
[5] https://zviazda.by/be/tags/alyaska
[6] https://zviazda.by/be/tags/los
[7] https://zviazda.by/be/tags/zhyvely
[8] https://zviazda.by/be/tags/smerc
[9] https://zviazda.by/be/tags/maroz
[10] https://zviazda.by/be/tags/klimat