Дакументы, якія разглядаюцца на старонках кнігі, напісаны беларускімі літаратарамі, мастакамі, дзеячамі культуры, тымі вядомымі і меней вядомымі асобамі, плён чыёй працы складае нацыянальную культурную спадчыну. Здавалася б, некаторыя іх звароты ў вышэйшую ідэалагічную і фактычна галоўную дзяржаўную інстанцыю мелі прыватны характар. Але ж, каб вырашыць тое ці іншае важнае для творчасці пытанне, апроч ЦК, не было куды звярнуцца. Шмат якія з прыведзеных тут дакументаў — сведчанні пазіцыі творчай інтэлігенцыі, яе жадання зрабіць нешта патрэбнае для ўсяго грамадства Беларусі. Нам заставалася толькі зірнуць на гэтае ліставанне з вышыні сённяшняга часу.