З кнігай краязнаўчых нарысаў, эсэ, гутарак, прысвечаных Віцебшчыне і яе ўраджэнцам, уважлівы чытач можа здзейсніць падарожжа па гарадах, мястэчках, вёсках гэтага краю і замежжа, а таксама — у часе. Тых, хто захоплена ўглядаецца ў сівую мінуўшчыну, на старонках кнігі чакаюць неспадзяваныя сустрэчы і нават адкрыцці. Ёсць сярод герояў кнігі і слаўныя асобы вучоных, падарожнікаў, мастакоў, пра якіх апавядаецца ўпершыню.