У кнігу ўвайшлі творы, якія адлюстроўваюць мысленне, інтарэсы, развагі і захапленні сучасных дзяцей, вучаць любіць родны край, умець сябраваць, адкрываць таямніцы навакольнага свету, даражыць і берагчы родную мову. Некаторыя вершы перадаюць вясёлыя эпізоды дзіцячага, у тым ліку школьнага жыцця. Адметнасцю выдання з’яўляецца тое, што вершы напісаны не толькі з вялікай любоўю да маленькага чытача, але і з гумарам, носяць забаўляльна-пазнавальны і выхаваўчы характар. Адрасуецца дзецям малодшага і сярэдняга школьнага ўзросту.