«Прыгоды гарэз з 8 “Б”» — аповесць пра сталенне дзвюх неразлучных сябровак — Улі (Улькі Булкінай) і Галі, школьніц з рабочага пасёлка. Дзеянне адбываецца ў савецкія часы — паміж горадам, школай і вёскай, дзе жывуць Ульчыны бабуля і дзядуля. Са старонак кнігі паўстае цэлая эпоха — з яе школьнымі лінейкамі, кінасеансамі «да шаснаццаці» і марамі пра вялікія подзвігі. Школьныя і вясковыя прыгоды, гарэзлівыя выхадкі і першае каханне. З гумарам і цеплынёй аўтар паказвае, як праз разнастайныя здарэнні, сяброўства, салідарнасць класа і клопат пра блізкіх дзяўчынкі вучацца адвазе, адказнасці і справядлівасці — і непрыкметна сталеюць.