Гомель — горад з глыбокімі культурнымі каранямі, дзе шануюць слова і духоўную традыцыю. Шматпланавай і творчай, багатай на падзеі і па-асабліваму цёплай запомніцца жыхарам ды гасцям горада Міжнародная праваслаўная выстаўка-кірмаш «Радасць Слова», якая шырока разгарнулася ў абласным цэнтры 16–18 мая.
Ружанскі палац — велічны помнік архітэктуры ХVІІІ стагоддзя ў стылі позняга класіцызму. Нездарма яго часта называюць беларускім Версалем. Рэзідэнцыя князёў Сапегаў наўмысна будавалася падобнай на сусветна знакаміты палац. Разбураны ружанскі комплекс быў падчас Другой сусветнай вайны.
Прайсціся па сцежках ваенных падзей на тэрыторыі Беларусі, убачыць герояў, якія ахвяравалі жыццём дзеля нашай агульнай будучыні, дакрануцца да такой балючай, але важнай часткі мінулага можна на выстаўцы «Беларусь адзіная і непераможная. Тры вайны» ў Нацыянальным гістарычным музеі Рэспублікі Беларусь. Адным з арганізатараў праекта стаў лаўрэат прэміі «За духоўнае адраджэнне» гісторык і калекцыянер Уладзімір Ліхадзедаў.
Тэматычныя выставачныя праекты, арганізаваныя ў Палацы Рэспублікі, стварылі адпаведны настрой напярэдадні канцэрта-рэквіема «Кожны трэці». Яны былі розныя па напаўненні, але ўсе аб’ядноўвала тая памяць аб гераічным подзвігу, якую мы павінны захаваць і пранесці яшчэ праз многія дзесяцігоддзі.
Сёлета Беларусь і ўвесь свет адзначаюць 80-годдзе Перамогі над фашысцкай Германіяй. Для беларусаў гэта не проста святочная дата, гэта памяць пра гераічную барацьбу, пра вялікую ахвяру нашага народа дзеля светлай будучыні, пра яднанне нацыі, якая змагалася за свабоду і мір на сваёй зямлі. Мінула 80 гадоў, аднак рэха трагічных падзей яшчэ адгукаецца ў нашых сэрцах. А памяць пра гераізм продкаў жыве і натхняе новыя пакаленні на захаванне міру і адзінства.
Доўгі час даследчыкі лічылі, што на тэрыторыі Беларусі падчас Вялікай Айчыннай вайны загінуў кожны чацвёрты, аднак знойдзеныя на працягу апошніх гадоў даныя сведчаць аб тым, што Беларусь страціла кожнага трэцяга свайго жыхара. Праз 80 гадоў расследаванне злачынстваў нямецка-фашысцкіх захопнікоў яшчэ працягваецца…
Канцэрт-рэквіем «Кожны трэці» ў Палацы Рэспублікі адкрывае шэраг мерапрыемстваў, прымеркаваных да 80-годдзя Перамогі савецкага народа ў Вялікай Айчыннай вайне. Асноўная ідэя канцэрта — расказаць пра лёсы простых людзей, аддаць даніну павагі ўсім героям і ахвярам ваенных падзей, прадставіць увазе публікі новыя факты па справе аб генацыдзе беларускага народа. Праект «Кожны трэці» аб’яднае больш як 15 тысяч жыхароў з усіх рэгіёнаў краіны.
Голас сучасных аўтараў на тэатральнай сцэне... Яго хочуць чуць і гледачы, і, натуральна, драматургі, якія мараць, каб у тэатрах з’яўлялася больш айчынных п’ес: пра тое, што важна для нас, з разуменнем характару і душы жыхароў Беларусі, каб важныя мэсэджы трансліраваць моладзі, адарваўшы яе ад экранаў камп’ютараў і телефонаў. Пра гэта цяпер шмат клопату ў краіне, але хацелася б, каб яны паўплывалі на з’яўленне і новых твораў у тэатрах, а не толькі ў кіно, пра якое шмат гавораць. Таму падчас Мінскай міжнароднай кніжнай выстаўкі-кірмашу ў мемарыяльнай зале Дома літаратараў сабраліся зацікаўленыя асобы, каб разам з кіраўніком секцыі драматургіі Саюза пісьменнікаў Беларусі Таццянай Сівец на «круглым стале» «Роля драматургіі ў сучасным грамадстве» разабрацца: што зрабіць дзеля таго, каб у афішах тэатраў стала больш беларускага?
Тэме Вялікай Айчыннай вайны прысвячаецца мноства выставачных праектаў у Беларусі, аднак самую вялікую цікавасць выклікаюць тыя, што створаны сумеснымі намаганнямі розных людзей, якія прадстаўляюць адпаведныя ўстановы — музеі, архівы, галерэі... Плён падобнага супрацоўніцтва — новая выстаўка ў Нацыянальнай бібліятэцы «За мірнае неба!», прымеркаваная да 80-годдзя Вялікай Перамогі. Суарганізатарамі выступаюць Нацыянальны гістарычны архіў, Мемарыяльны комплекс «Брэсцкая крэпасць-герой», Беларускі саюз мастакоў, Музейны комплекс гісторыі і культуры Аршаншчыны, Вілейскі краязнаўчы музей ды іншыя.
Літаратурны музей Максіма Багдановіча запрашае на мастацка-дакументальную выстаўку «Старая спадчына». У экспазіцыі — прыклады ткацтва з фондаў Гудзевіцкага дзяржаўнага літаратурна-краязнаўчага музея і Літаратурнага музея Максіма Багдановіча.
У Літаратурным музеі Максіма Багдановіча прайшла вечарына, прымеркаваная да 85-годдзя з дня нараджэння беларускага пісьменніка Леаніда Дайнекі (1940–2019), майстра гістарычнай прозы, аўтара «Мяча князя Вячкі», якім зачытвалася моладзь у другой палове 1980-х гг.
Пяцігодка якасці, абвешчаная Указам Прэзідэнта Рэспублікі Беларусь, вызначыла 2025–2029 гг. як час для яшчэ больш прафесійнай працы ва ўсіх сферах жыццядзейнасці нашага грамадства. Сёння сваімі меркаваннямі з гэтай нагоды дзеляцца эксперты-парламентарыі і людзі, ад якіх залежыць якасць працы ў галіне культуры.
