У гэтым годзе на месцы памяці распачаліся работы па рэканструкцыі брацкага пахавання ахвяр фашызму і добраўпарадкаванні тэрыторыі памятнага пахавання ў вёсцы Першамайск Рэчыцкага раёна. Вельмі актыўна гэту ініцыятыву падтрымалі жыхары Рэчыцкага раёна і супрацоўнікі пракуратуры Гомельскай вобласці. 

У складзе парламенцкай групы ў абласны цэнтр прыбылі дэпутаты Палаты прадстаўнікоў — прадстаўнікі Гомельскай вобласці на чале са Старшынёй Палаты прадстаўнікоў Нацыянальнага сходу Беларусі Ігарам Сергяенкам. Спікер і дэпутаты наведалі ААТ «Гомельскі домабудаўнічы камбінат».

Праект Праграмы сацыяльна-эканамічнага развіцця на 2026—2030 гады абмеркавалі на абласным сходзе дэлегатаў УНС ад Гомельскай вобласці.

У справе прыёму на працу замежных спецыялістаў у Беларусі ўлічваюцца і пытанні бяспекі, і жыццёвыя рэаліі. Як неаднойчы каментаваў гэта пытанне Прэзідэнт Беларусі Аляксандр Лукашэнка, дзверы краіны адчынены для ўсіх, хто прыехаў сумленна працаваць і паважае нашы законы. Такіх спецыялістаў у калектыве не толькі прымуць з павагай, але і актыўна падтрымаюць. Падчас восеньскага наведвання ААТ «Агра-Ляскавічы» на Гомельшчыне кіраўнік дзяржавы падкрэсліў: «Да іх трэба ставіцца як да сваіх людзей. І дзетак навучаць, і лячыць людзей трэба. Па-беларуску: „Кінь наперад, потым знойдзеш“. Таму трэба арыентавацца, асабліва на нашы рэспублікі (былога СССР. — „Зв.“). Гэта ж нашы людзі».

Непасрэдна ў цэхах, на вытворчых участках пазнаёміцца з тым, як абнаўленне вытворчых ліній, укараненне сучасных тэхналогій, рэалізацыя ініцыятыў «Адзін раён — адзін праект» павышаюць эфектыўнасць прадпрыемстваў і забяспечваюць занятасць людзей у эканоміцы, змаглі старшыні Саветаў дэпутатаў базавага ўзроўню Гомельшчыны на выязным навучальным семінары, які прайшоў у Рагачове.

Гісторыя капітальнага рамонту аднаго са шматкватэрных дамоў у Чачэрскім раёне стала падставай разабрацца, чаму бывае так, што ўсе працэдуры выкананы па патрабаваннях заканадаўства, а чалавек усё адно адчувае няўпэўненасць і трывогу ва ўласным жыллі.