Як паведамілі ў прэс-службе рэгулятара, з 20 кастрычніка 2025 года Нацыянальны банк аднаўляе правядзенне аперацый куплі-продажу мерных зліткаў з каштоўных металаў юрыдычнымі асобамі, індывідуальнымі прадпрымальнікамі, а таксама з фізічнымі асобамі. Прадавацца і выкупляцца будуць зліткі, вырабленыя ў краіне, а таксама зліткі, выпушчаныя за яе межамі, пры наяўнасці на іх абрэвіятуры Нацыянальнага банка Рэспублікі Беларусь.

Начальнік упраўлення вытворчасці і рэалізацыі прадукцыі Мінлясгаса Андрэй МАЦКЕВІЧ нагадаў, што ў перыяд з 15 па 18 кастрычніка на пляцоўцы Мінскага міжнароднага выставачнага цэнтра пройдзе XXI Міжнародная спецыялізаваная выстава-кірмаш «Лесдрэўтэх». У рамках выставы будуць працаваць некалькі лакацый. Адна з іх — пляцоўка «Беларускі падворак», які размесціцца на вуліцы. На ёй лясгасы прадставяць прадукцыю драўлянага домабудавання — домакамплекты, лазні, альтанкі. Гасцям пакажуць новы тыпавы праект садовай хаткі, вырабленай па тэхналогіі сухога бруса.

Такім чынам акрэсліў асноўную мэту сваёй работы намеснік начальніка Галоўнага ўпраўлення па супрацьдзеянні кіберзлачыннасці МУС Аляксандр РЫНГЕВІЧ. Ён, у прыватнасці, паведаміў, што сёлета за 9 месяцаў у нашай краіне зафіксавана каля 13,5 тысячы кіберзлачынстваў. Гэта практычна на 11 % менш у параўнанні з аналагічным перыядам мінулага года. Пры гэтым 96 % усіх злачынстваў складаюць крадзяжы, махлярствы і вымагальніцтва. «Усяго толькі 4 % злачынстваў звязаныя з іншым несанкцыянаваным доступам да камп’ютарнай інфармацыі, ілжывымі паведамленнямі аб небяспецы і іншымі», — заўважыў Аляксандр Рынгевіч.