21 лістапада ў Нацыянальнай бібліятэцы Беларусі была прэзентавана гукавая навігацыйная сістэма «KROPKI» для невідушчых людзей. Яна заклікана зрабіць больш даступным асяроддзе для людзей з інваліднасцю па зроку. Гэта першая такая айчынная распрацоўка ў галіне інфармацыйных тэхналогій. 

21 лістапада адзначаецца Сусветны дзень некурэння, які штогод праводзіцца па ініцыятыве Міжнароднага саюза па барацьбе з ракам. Паколькі ўжыванне нікацінаўтрымальнай прадукцыі, у прыватнасці, электронных сістэм курэння, імкліва расце, асабліва сярод моладзі, у нашай краіне ў лістападзе праходзіць інфармацыйна-асветніцкая акцыя, якая прадугледжвае шэраг мерапрыемстваў і флэш-мобаў, у тым ліку ва ўстановах адукацыі. Якія яшчэ меры, у тым ліку на заканадаўчым узроўні прымаюцца, расказалі спецыялісты.

Каля 1200 замежных пацыентаў штогод праходзяць лячэнне ў РНПЦ анкалогіі і медыцынскай радыялогіі імя М. М. Аляксандрава. Гэта дазваляе зарабіць каля двух мільёнаў долараў. У асноўным пацыенты зараз прыязджаюць з Расіі і іншых краін СНД. Ёсць прадстаўнікі краін Балтыі і далёкага замежжа, у тым ліку Злучаных Штатаў, Ізраіля, Германіі.

Каб атрымаць паспяховыя і канкурэнтаздольныя прадукты харчавання, якія заваююць прыхільнасці пакупнікоў не толькі ў нашай краіне, але і за мяжой, трэба ўлічыць шэраг фактараў. Гэта і патрабаванні медыкаў аб якасным і збалансаваным харчаванні, і запыты саміх спажыўцоў на смачны і даступны прадукт, які адпавядае сучасным тэндэнцыям, а таксама тэхнічныя магчымасці вытворцаў і іх жаданне выпускаць запатрабаваную прадукцыю. Навукова-практычны цэнтр НАН Беларусі па харчаванні пры распрацоўцы новых тэхналогій вытворчасці і харчовых навінак улічвае ўсе гэтыя ўмовы і працуе ў цеснай узаемасувязі з усімі прадпрыемствамі галіны. Гэта дазваляе хутка і эфектыўна ўкараняць інавацыйныя рашэнні і адказваць на актуальныя запатрабаванні. Адным з такіх з’яўляецца, напрыклад, удасканаленне школьнага харчавання. Пасля нядаўняй нарады ў Прэзідэнта меню ў чарговы раз было актуалізавана. У хуткім часе з’явяцца ў ім і новыя прадукты, распрацаваныя навукоўцамі.

Нагадаем, спецыяльныя стыпендыі ФПБ штогод прысуджаюцца 37 таленавітым студэнтам і навучэнцам, якія паспяхова сумяшчаюць вучобу і актыўную прафсаюзную дзейнасць.

Болі ў суставах хоць бы адзін раз на працягу жыцця адчувае кожны. Але вось да ўрача многія звяртаюцца, калі пакуты становяцца невыносныя.

Якасці дарог і іх абнаўленню ў нашай краіне ўдзяляецца пільная ўвага. Кіраўнік дзяржавы назваў будаўніцтва і добраўпарадкаванне дарог і мастоў найважнейшай задачай дзяржавы. Аб гэтым Прэзідэнт заявіў на нядаўнім адкрыцці абноўленага моста ў Мазыры. Па выніках рэалізацыі дзяржінвестпраграмы за гэту пяцігодку чакаецца выкананне рамонту і рэканструкцыі 18 тысяч кіламетраў аўтамабільных дарог рэспубліканскага і мясцовага значэння, а таксама 24 тысячы пагонных метраў маставых збудаванняў на іх. 

У нядзелю беларускія аграрыі адзначаць сваё прафесійнае свята. Дзень работнікаў сельскай гаспадаркі і перапрацоўчай прамысловасці аграпрамысловага комплексу — адна з дат, якую адзначаюць на дзяржаўным узроўні. І нездарма, бо ўнёсак гэтай галіны ў экспарт краіны перасягнуў 25 %. 

Яна праходзіць у Мінскім міжнародным выставачным цэнтры. Сёлета акрамя беларускіх прадпрыемстваў свае дасягненні і тэхналогіі дэманструюць удзельнікі з Расіі (прадстаўлены 11 рэгіёнаў), Азербайджана, Арменіі, В’етнама, Індыі, Турцыі. Асновай дзелавой праграмы сталі сустрэчы і В2В-перагаворы з прадстаўнікамі гандлёвых сетак Беларусі і Расіі, выстаўку наведваюць замежныя пасольскія дэлегацыі 27 краін. Свае экспазіцыі прэзентавалі 164 удзельнікі.

Рэспубліканскі цэнтр эндакрыналогіі, які працуе на базе Рэспубліканскага цэнтра медыцынскай рэабілітацыі і бальнеалячэння ў Мінску, прымае пацыентаў з усёй краіны з цяжкімі эндакрыннымі захворваннямі. Напрыклад, цукровым дыябетам, калі ў пацыента ён цяжка паддаецца лячэнню, маюцца спадарожныя хваробы, цяжкія ўскладненні, ці патрэбны абследаванні на абсталяванні экспертнага класу. Усе лабараторныя аналізы, ультрагукавую і функцыянальную дыягностыку, першасную і паўторную кансультацыю эндакрынолага і іншых спецыялістаў пацыент, як правіла, праходзіць у дзень прыезду і адразу атрымлівае прызначэнні.