Беларускія медыкі выйшлі на стапрацэнтнае імпартазамяшчэнне па металаканструкцыях для хірургіі пазваночніка. Ледзь не палова металаканструкцый, якія выкарыстоўваюцца пры пераломах доўгіх касцей канечнасцяў, таксама распрацавана беларускімі артапедамі. У РНПЦ траўматалогіі і артапедыі прыязджалі пераймаць досвед калегі з Вялікабрытаніі і ЗША, таксама беларускія методыкі ўкаранёны і запатрабаваны ў Японіі, Іране. Гэта датычыцца ў першую чаргу рэканструкцыйнай хірургіі дзіцячага тазасцегнавога сустава. З 2019-га ўтрая ўзрасла колькасць аперацый па эндапратэзаванні каленных і тазасцегнавых суставаў, летась іх выканана больш за 21 тысячу. Пра імпартазамяшчэнне і новыя метады лячэння расказалі ў РНПЦ траўматалогіі і артапедыі.

Перыяды водпуску па доглядзе дзіцяці да трох гадоў улічваюцца ў агульны стаж, аднак не ўключаюцца ў страхавы. Пытанне, як гэтыя перыяды ўплываюць пры назначэнні пенсіі, — адно з найбольш распаўсюджаных у Міністэрства працы і сацыяльнай абароны.

У бягучым годзе ўступіў у сілу шэраг заканадаўчых навацый, якія датычацца змяненняў аплаты працы работнікам бюджэтных арганізацый. Напрыклад, з 1 студзеня павысілася базавая стаўка для аплаты працы ў бюджэтнай сферы і склала 270 рублёў. Другі напрамак, па якім вядзецца работа міністэрствамі бюджэтнай сферы і прафсаюзамі ў рамках сацыяльнага партнёрства, — гэта ўстанаўленне і павелічэнне ўзроўню стымулюючых выплат. У прыватнасці, такія рашэнні прыняты ўжо ў галіне аховы здароўя і адукацыі. Так, педагагічным работнікам павялічаны надбаўкі ад 20 да 55% ад акладу. Змяненні адбыліся і ў сферы аховы здароўя ў частцы павышэння надбаўкі ўрачам-спецыялістам (на 45% акладу).

У нашай краіне на люты звычайна прыпадае пік захваральнасці на рэспіраторныя інфекцыі, у тым ліку і на грып. Засцерагчыся ад апошняга вельмі няпроста — гэта высокакантагіёзнае (заразнае) інфекцыйнае захворванне, ад якога штогод пакутуе ў сярэднім 10 % насельніцтва. Акрамя таго, грып зусім не бяскрыўдны: для дзяцей, пажылых людзей і тых, чый імунітэт аслаблены, інфекцыя вельмі небяспечная. Лячэнне грыпу нельга пускаць на самацёк.

Ужо ў 23-і раз у нашай краіне стартаваў Рэспубліканскі турыстычны конкурс «Пазнай Беларусь». І калі пачынаўся ён у 2003 годзе ўсяго з 50 заявак, то летась іх даслалі 1772 удзельнікі. Конкурс сапраўды стаў вельмі масавым, а многія яго намінацыі — «народнымі». Іх, дарэчы, у апошнія гады прапануецца больш за дзясятак, што дазваляе ўдзельнічаць як звычайным людзям, якія любяць падарожнічаць, так і прафесіяналам турыстычнага рынку. Усё гэта дае магчымасці спазнаваць сваю краіну, яе гісторыка-культурную спадчыну, папулярызаваць актыўны адпачынак і здаровы лад жыцця, а таксама стымуляваць выкарыстанне сучасных тэхналогій.

Інтэрнат ад работы — выдатная магчымасць часова вырашыць жыллёвае пытанне як для маладых спецыялістаў, так і для многіх маладых сем’яў, асабліва калі размова ідзе пра сталіцу і абласныя цэнтры. Сёння разлічваць на такое жыллё могуць настаўнікі і выхавацелі, медыкі, работнікі сістэмы ЖКГ і іншых арганізацый. Вялікая колькасць сельгасарганізацый і прамысловых прадпрыемстваў маюць уласныя інтэрнаты, дзе прэтэндаваць на месца, пакой ці нават блок могуць найлепшыя работнікі, маладыя спецыялісты і сем’і.

Са студзеня прыбаўку да зарплаты атрымаюць урачы-спецыялісты. Як адзначыў намеснік міністра аховы здароўя Аляксандр Старавойтаў, надбаўкі, што павышаюць заработную плату, уводзяцца рэгулярна і гэта з’яўляецца адной са стымуляцыйных мер падтрымкі медыцынскіх работнікаў.

Сучаснае абсталяванне адыгрывае вялізную ролю ў дыягностыцы і лячэнні раку. За апошні час у РНПЦ анкалогіі і медыцынскай радыялогіі імя М. М. Аляксандрава ўдалося істотна яго абнавіць. Адзін з апошніх набыткаў — апарат МРТ магутнасцю 3 Тэсла, якіх у краіне пакуль няшмат, і ён надзвычай важны для нейрахірургіі. Унікальнае абсталяванне — гама-нож, які выкарыстоўваецца для лячэння пухлін рознай лакалізацыі ў алаўным мозгу. Пасля мадэрнізацыі павялічылася яго прапускная здольнасць і пашырыліся паказанні: калі раней на лячэнне такім метадам бралі пацыентаў з невялікімі пухлінамі — да 2-3 см, то цяпер устаноўка здольная апраменьваць пухліны галаўнога мозгу і метастазы любога памеру. Акрамя таго, закуплены новы секвенатар ДНК. У перспектыве ў цэнтры плануюць аперыраваць з дапамогай робатаў. Для малаінвазійных умяшанняў іх змогуць выкарыстоўваць у анкагінекалогіі, анкаўралогіі, анкапракталогіі.

Міністр працы і сацыяльнай абароны Наталля Паўлючэнка расказала «Звяздзе» пра павелічэнне зарплат, пенсій і дапамог, а таксама пра іншыя змяненні.

Сёлета ў Беларусі адкрыюцца два новыя дзіцячыя лагеры, а пяць санаторыяў прырастуць новымі карпусамі, павялічыўшы свой ложкавы фонд. Улічваючы павышаны попыт на санаторна-курортныя паслугі як на ўнутраным рынку, так і з боку замежных грамадзян, новыя месцы пуставаць не будуць. Мінулы год стаў рэкордным для айчынных здраўніц па ўсіх паказчыках, улічваючы запаўняльнасць. У нашых санаторыях летась адпачылі 1 мільён 565 тысяч чалавек. Адзін са складальнікаў такога высокага попыту — суадносіны даступнай цаны і высокай якасці медыцынскіх і аздараўленчых паслуг у беларускіх здраўніцах. І сёлетні год, калі браць да ўвагі цяперашнія тэндэнцыі, абяцае быць, прынамсі, не горшым.