Тыдзень таму ў галерэі «Арт-Беларусь» прайшлі адкрыццё выстаўкі твораў пераможцаў фестывалю «Арт-Мінск» і ўрачыстая цырымонія ўзнагароджання найлепшых аўтараў. Нагадаем, іх выбіралі гледачы выстаўкі, якая доўжылася больш як месяц. У новую экспазіцыю пад традыцыйнай для маштабнага праекта назвай «Postscriptum» увайшлі работы некалькіх дзясяткаў мастакоў, у тым ліку экспануюцца тыя напрацоўкі, з якімі публіка пазнаёміцца яшчэ не паспела. 

Да музыкі кампазітараў XX стагоддзя беларускія калектывы звяртаюцца радзей, чым да спадчыны творцаў пазамінулых вякоў. А калі гэта адбываецца, то перавага аддаецца рускім і беларускім аўтарам, і нездарма: шанаваць зробленае геніяльнымі папярэднікамі, творчасць якіх стала сусветным набыткам, — сапраўдны абавязак.

Сумесны канцэрт ансамбля салістаў «Класік-Авангард» (мастацкі кіраўнік і дырыжор — Людміла Каліноўская), джазавага квінтэта Арка Аўруцкага і вакаліста Дзмітрыя Наскова прайшоў у Вялікай канцэртнай зале Белдзяржфілармоніі.

Уладзімір Гладкоў на мінулым тыдні прадставіў у галерэі «Універсітэт культуры» выстаўку «Сувязная ніць». У сваім жывапісе, апроч іншага, мастак дэманструе сувязь паміж рознымі народамі, распавядае пра іх культурныя здабыткі як пра адзін — усеагульны, сусветны. Пазнаёміцца з творчасцю аўтара можна да 22 красавіка.

Выдатны арганіст Аляксандр Фісейскі чарговы раз выступіў у Мінску. Да 340-годдзя з дня нараджэння Іагана Себасцьяна Баха музыкант прадставіў «Арганную месу». Кампазіцыя, якая лічыцца адной з самых грандыёзных, створаных калі-небудзь для аргана, прагучала ў рамках цыкла канцэртаў «Шэдэўры сусветнага арганнага мастацтва».

Дзяржаўны музей гісторыі рэлігіі (Расійская Федэрацыя, Санкт-Пецярбург) і Нацыянальны мастацкі музей у рамках святкавання Дня яднання народаў Беларусі і Расіі прадставілі выстаўку тактыльных карцін «Нябесныя ахоўнікі». Экспазіцыя, змешчаная ў зале старажытнабеларускага мастацтва галоўнага корпуса НММ, знаёміць з серыяй твораў з выявамі праваслаўных святых.

Да сённяшняга дня дзейнасць Таварыства перасоўных мастацкіх выставак выклікае цікавасць навуковай супольнасці ды шырокага кола гледачоў. Варта толькі зазірнуць у адпаведныя залы Рускага музея ў Санкт-Пецярбургу ці Траццякоўскай галерэі ў Маскве, каб адчуць, наколькі моцна творчасць тагачасных мастакоў уздзейнічае на нашага сучасніка...

Персанальная выстаўка Аляксандра Крываноса «Асколкі светаў» адкрылася напярэдадні Дня яднання народаў Беларусі і Расіі ў Мастацкай галерэі Міхаіла Савіцкага. Расійскі аўтар працуе ў станковым жывапісе і графіцы, ажыццяўляе праекты ў манументальным жывапісе і скульптуры, выкладае на кафедры рысунка ў Санкт-Пецярбургскай акадэміі мастацтваў імя І. Я. Рэпіна, удзельнічае ў жыцці Саюза мастакоў Расіі, членам якога з’яўляецца. Між тым лёс творцы звязаны з Беларуссю: дзядуля будучага мастака быў партызанам, абараняў гэтую зямлю; бацькі нарадзіліся таксама тут, таму частка дзяцінства Аляксандра Крываноса прайшла і ў нашых краях.

У Дзяржаўным музеі гісторыі беларускай літаратуры да 27 красавіка можна пазнаёміцца з фотавыстаўкай «Чароўныя мясціны» са збору Дзяржаўнага мемарыяльнага гісторыка-літаратурнага і прыродналандшафтнага музея-запаведніка А. С. Пушкіна «Міхайлаўскае».

У Беларусі існуюць мастацкія праекты, якія з кожным годам толькі набіраюць папулярнасць. У прафесійных колах, і не толькі ў іх, праходзяць дыскусіі, вядуцца спрэчкі — словам, вызначаецца станоўчае і сумніўнае... Асноўныя ж пытанні, да якіх зводзяцца абмеркаванні: ці вартыя тыя ці іншыя работы ўвагі гледача, ці стае прафесіяналізму маладым і нават сталым аўтарам, ці дастаткова жыццёвай і мастацкай практыкі яны маюць, наколькі актуальныя іх разважанні і, самае галоўнае, што ўвогуле можна сёння лічыць творам мастацтва. Аднак, у тым ліку дзякуючы ўжо звыкламу асяроддзю, адкрытаму для крытыкі, гэтыя праекты маюць шмат прыхільнікаў: расце колькасць мастакоў, якія імкнуцца паўдзельнічаць, павялічваецца і аўдыторыя, уважлівая да створанага сучаснікамі.