Беларусь прадоўжыла харчовае эмбарга на тавары з заходніх краін да канца года. Гэта рэгламентавана пастановай Савета Міністраў ад 27 чэрвеня 2022 года нумар 412, якая апублікавана на Нацыянальным прававым інтэрнэт-партале, паведамляе [1] БелТА.
Згодна з дакументам з 30 чэрвеня да 31 снежня 2022 года ўключна прадаўжаецца дзеянне пунктаў 1 і 3-5 пастановы ўрада ад 6 снежня 2021 года нумар 700 «Аб прымяненні спецыяльных мер адносна асобных відаў тавараў», якая рэгламентуе ўвядзенне харчовага эмбарга адносна шырокага пераліку тавараў, вырабленых у краінах, якія рэалізуюць дыскрымінацыйную палітыку і ажыццяўляюць недружалюбныя дзеянні ў адносінах да Беларусі. Забарона на ўвоз распаўсюджваецца на шэраг тавараў з Еўрапейскага саюза, Злучаных Штатаў Амерыкі, Канады, Нарвегіі, Албаніі, Ісландыі, Паўночнай Македоніі, Злучанага Каралеўства Вялікабрытаніі і Паўночнай Ірландыі, Чарнагорыі, Швейцарыі. Прадугледжвалася, што забарона будзе прадаўжацца паўгода, але з уступленнем у сілу пастановы нумар 412 гэты тэрмін прадаўжаецца да канца года.
У пераліку забароненых тавараў — свінні, мяса буйной рагатай жывёлы, свініна, шэраг субпрадуктаў, мяса салёнае, у расоле, сушанае або вэнджанае, харчовая мука з мяса або мясных субпрадуктаў, малако і малочная прадукцыя (з некаторымі выключэннямі), агародніна, акрамя прызначаных для пасеву, фрукты і арэхі, тлушч свіны і тлушч свойскай птушкі, тлушч буйной рагатай жывёлы, авечак або коз, лярд-стэарын і іншае жывёльнае масла, каўбасы і аналагічныя прадукты, кандытарскія вырабы, соль і іншыя тавары.
Прэв’ю: pixabay.com
Спасылкі
[1] https://blr.belta.by/economics/view/belarus-pradouzhyla-da-kantsa-goda-harchovae-embarga-na-tavary-z-zahodnih-krain-116955-2022/
[2] https://zviazda.by/be/tags/belarus
[3] https://zviazda.by/be/tags/harchovae-embarga
[4] https://zviazda.by/be/tags/tavary
[5] https://zviazda.by/be/tags/zahodniya-krainy