«Як адзначыў Прэзідэнт Беларусі Аляксандр Лукашэнка, Мінск і Бішкек за тры дзесяцігоддзі прайшлі годны шлях. Наша ўзаемадзеянне мае разнапланавы і глыбокі характар. Сапраўды, кіраўнікі нашых дзяржаў заклалі трывалы падмурак для нашага ўзаемадзеяння, і сёння ў нас дастаткова добрая прававая база. Гэта тыя пагадненні, якія ёсць і падпісаныя паміж урадамі нашых краін», — падкрэсліла Наталля Качанава. Яна зрабіла акцэнт на інтэнсіўным развіцці адносін паміж нашымі краінамі ў розных сферах. «Вядома, гэта не можа нас не радаваць, таму што сапраўды мы бачым, якія вынікі сёння ёсць у Кыргызстана і ў эканоміцы, і ў тым, што робіцца для краіны, для народа. Гэта заслугоўвае ўсякай павагі», — адзначыла Старшыня Савета Рэспублікі.

Асобна Наталля Качанава вылучыла такі накірунак яе міжпарламенцкае супрацоўніцтва. «Парламентарыі павінны супрацоўнічаць, павінны гучна заяўляць пра магчымасць жыць у суверэнных, незалежных дзяржавах. Мы бачым з вамі, што адбываецца ў свеце, і гэта не можа нас не насцярожваць», — падкрэсліла Наталля Качанава.

Старшыня Савета Рэспублікі звярнула ўвагу на рэгіянальнае супрацоўніцтва Беларусі і Кыргызстана. Па яе словах, гэта дае канкрэтныя вынікі. Эрбол Султанбаеў адзначыў, што Кыргызстан зацікаўлены ў такім фармаце супрацоўніцтва: «Я хацеў бы прапанаваць разгледзець магчымасць арганізацыі і правядзення Форуму рэгіёнаў Кыргызстана і Беларусі. Ідэя форуму заключаецца ў тым, каб сабраць рэгіянальныя ўлады і бізнес-колы і даць ім магчымасць усталяваць прамыя кантакты паміж сабой, правесці прэзентацыю эканамічных, інвестыцыйных, турыстычных, іншых магчымасцяў і патэнцыялу, падпісаць адпаведныя дакументы, у тым ліку аб пабрацімскіх адносінах, а таксама камерцыйныя кантракты. Лічу, што такое ерапрыемства надасць імпульс міжрэгіянальнаму супрацоўніцтву, дазволіць рэгіянальным уладам і бізнесу ўстанавіць прамыя кантакты для далейшага ўзаемадзеяння». 

Пасол звярнуў увагу, што па выніках апошняга пасяджэння кыргызска-беларускай міжурадавай камісіі была дасягнута дамоўленасць аб давядзенні ўзаемнага тавараабароту паміж краінамі да 500 мільёнаў долараў у бліжэйшыя 5 гадоў. «Гэта, вядома, з’яўляецца амбіцыйным планам, але пры гэтым для гэтага ёсць усе магчымасці як з дапамогай прамога гандлю, так і ў рамках рэалізацыі кааперацыйных праектаў у прамысловасці, у сельскай гаспадарцы і іншых сферах. У гэтым напрамку ёсць асобныя праекты. Да прыкладу, кыргызскі бок гатовы прадаставіць сельгасугоддзі для вырошчвання цукровых буракоў для іх стабільных паставак у Беларусь. Пры гэтым беларускі бок можа пастаўляць сельгастэхніку для гэтага праекта і прадастаўляць свае навуковыя напрацоўкі», — сказаў ён. Эрбол Султанбаеў расказаў, што ў яго краіне высока цэняць беларускую тэхніку і гатовыя купляць яе.

Таксама Эрбол Султанбаеў звярнуў увагу, што сёння нашы краіны з’яўляюцца ўдзельнікамі практычна ўсіх рэгіянальных аб’яднанняў на постсавецкай прасторы, у рамках якіх функцыянуюць міжпарламенцкія структуры. «У сувязі з гэтым хацеў бы вас запэўніць, што нашы парламентарыі лічаць вельмі важным працягваць работу па гарманізацыі заканадаўства нашых краін і выпрацоўцы мадэльных законаў», — дадаў Эрбол Султанбаеў. 

Валерыя СЦЯЦКО

Фота: БелТА