Падатковы орган самастойна зробіць разлік маёмасных падаткаў за 2024 год і накіруе фізічным асобам паведамленне на іх выплату. У паведамленні паказваюцца ўсе аб’екты падаткаабкладання маёмаснымі падаткамі, якія належаць плацельшчыку.

Існуюць два спосабы накіравання паведамленняў:

— з дапамогай паштовай сувязі;

— у асабісты кабінет плацельшчыка на сайце МПЗ — тым, хто даў сваю згоду на накіраванне паведамлення такім спосабам.

Тэрмін уручэння фізічным асобам паведамленняў на выплату маёмасных падаткаў адзіным маёмасным плацяжом — не пазней за 1 кастрычніка 2025 года.

Выплату адзінага маёмаснага плацяжу за 2024 год неабходна ажыццявіць не пазней за 17 лістапада 2025 года (з улікам таго, што 15 і 16 лістапада 2025 года з’яўляюцца выхаднымі днямі). Варта звярнуць увагу, што фізічныя асобы маюць права аплаціць падаткі часткамі і датэрмінова.

Зрабіць аплату адзінага маёмаснага плацяжу можна любым зручным для плацельшчыка спосабам:

— праз сэрвіс «Асабісты кабінет плацельшчыка»;

— з дапамогай сістэмы АРІП;

— у аддзяленнях банкаў і паштовай сувязі наяўнымі грашовымі сродкамі альбо з выкарыстаннем банкаўскай плацежнай карты.