У МАРГ паступілі звароты грамадзян, якія датычацца павелічэння тарыфаў на паслугі па зарадцы электрааўтамабіляў у сетцы «Маланка», якая аб’ядноўвае каля 750 зарадных станцый па краіне. І вось, што паказала праверка.

За бягучае паўгоддзе колькасць электрамабіляў у краіне павялічылася на 40 %.

Як растлумачылі ў МАРГ, для забеспячэння бесперашкоднага і камфортнага перамяшчэння электрамабіляў, а таксама задавальнення попыту спажыўцоў неабходна апераджальнае будаўніцтва зарадных станцый, што патрабуе значных інвестыцыйных укладанняў. Цяпер гэтыя выдаткі перавышаюць даходы арганізацыі, і праект застаецца стратным.

— Таксама было ўстаноўлена, што рост тарыфаў звязаны з павелічэннем выдаткаў на абслугоўванне саміх станцый і электраэнергію. Па выніку аналізу парушэнні не выяўленыя, — запэўнілі ў МАРГ.

Дарэчы, з 1 жніўня бягучага года тарыфы на паслугі зарадкі электрамабіляў у сетцы «Маланка» павысяцца: павольная зарадка на 8,9 % — з 0,45 да 0,49 руб./кВт*г; хуткая зарадка на 6,6 % — з 0,61 да 0,65 руб./кВт*г.