Адытыўная тэхналогіі

«Расатам» гатовы ствараць гатовыя прадукты для беларускай прамысловасці, дзяліцца вопытам і ўкараняць перспектыўныя тэхналогіі. Расійская дзяржкарпарацыя ўжо ўзаемадзейнічае з беларускімі прадпрыемствамі, у тым ліку з ААТ «Белэнергарамналадка». Дзякуючы намаганням «Расатама» цяпер друкуюць дэталі для кацельняў і электрастанцый.

У планах — стварэнне ў Беларусі Цэнтра адытыўных тэхналогій. Ён дазволіць паскорыць развіццё рынку 3D-друку ў краіне. Сярод прыярытэтаў — навучанне будучых спецыялістаў: чакаецца, што ў хуткім часе пройдзе пілотны семінар па 3D-мадэляванні для беларускіх студэнтаў.

Высокатэхналагічная медыцына

Беларусь і «Расатам» плануюць супрацоўнічаць у галіне мадэрнізацыі анкацэнтраў, паставак новага абсталявання і абмену перадавымі практыкамі. Вялікую цікавасць уяўляе апарат «Ціянокс», які генерыруе аксід азоту для выкарыстання ў рэанімацыі і тэрапіі. Прыстасаванне можна ўжываць і для лячэння нованароджаных.

Таксама «Расатам» гатовы паставіць у Беларусь гама-тэрапеўтычны комплекс «Брахіум». Ён прызначаны для лячэння анкалагічных захворванняў з мінімальным уздзеяннем на здаровыя тканкі.

Акрамя таго, у Беларусі можа з’явіцца цэнтр ядзернай медыцыны.