У пятніцу надвор’е ў асноўным будзе вызначаць вобласць павышанага атмасфернага ціску, толькі днём па паўночнай палове адаб’ецца ўплыў няўстойлівай паветранай масы. Уначы пераменная воблачнасць, без ападкаў. Днём воблачна з праясненнямі, пераважна ў паўночных раёнах краіны пройдуць кароткачасовыя дажджы, месцамі з навальніцамі. У начныя і ранішнія часы ў асобных раёнах слабы туман. Вецер ноччу будзе няўстойлівы слабы, днём — паўднёва —заходні ад слабога да ўмеранага, пры навальніцах парывісты. Тэмпература паветра складзе ноччу 8–14 °С, днём — ад 19 °С па поўначы і да 26 °С па поўдні.

У суботу ноччу ў многіх раёнах, а днём па ўсходзе краіны адаб’ецца ўплыў атмасферных франтоў, якія перамяшчаюцца з паўночнага захаду Еўропы. Днём заходнія і цэнтральныя раёны апынуцца ў вобласці павышанага атмасфернага ціску. Ноччу воблачна з праясненнямі, днём пераменная воблачнасць. На большай частцы тэрыторыі ўначы, а днём месцамі па ўсходзе краіны пройдуць кароткачасовыя дажджы, у асобных раёнах магчымыя навальніцы, месцамі слабы туман. Вецер ноччу няўстойлівы, днём заходні, паўночна-заходні ўмераны, пры навальніцах парывісты. Тэмпература паветра ўначы 10–16 °С, днём 21–28 °С.

У нядзелю ноччу надвор’е працягне вызначаць вобласць павышанага атмасфернага ціску, днём адаб’ецца ўплыў франтальнай сістэмы, якая перамяшчаецца з Заходняй Еўропы. Пераменная воблачнасць, днём воблачна з праясненнямі. Уначы пераважна без ападкаў, а днём на большай частцы тэрыторыі краіны кароткачасовыя дажджы, месцамі прагрымяць навальніцы. Уначы і раніцай у асобных раёнах слабы туман. Вецер заходняй чвэрці ўмераны, пры навальніцах парывісты. Тэмпература паветра ноччу складзе 9–15 °С, днём — 22–28 °С, па паўднёвым захадзе краіны паветра прагрэецца да 30 °С.